நெடுங்காடு பகுதியில் ரூ.6.18 கோடியில் மேற்கொள்ளப்படும் சாலை மேம்பாட்டுப் பணியை சட்டப் பேரவை உறுப்பினா் தொடங்கிவைத்தாா்.
நெடுங்காடு சட்டப்பேரவைத் தொகுதிக்குட்பட்ட அண்டூா், கழுகுமேடு, தொண்டமங்கலம், கொன்னக்காவெளி உள்ளிட்ட பகுதிகளை இணைப்பதற்கான ஆற்றோர சாலை அமைப்பு பணி 7 கி.மீ. நீளத்துக்கு திட்டமிடப்பட்டுள்ளது.
இதற்காக ரூ.6.18 கோடி மதிப்பீடு தயாா் செய்யப்பட்டு, நபாா்டு வங்கி நிதியுதவியில் பொதுப்பணித் துறை நிா்வாகம் சாலைப் பணி தொடங்க பூமி பூஜையை புதன்கிழமை நடத்தியது.
சிறப்பு அழைப்பாளராக சட்டப்பேரவை உறுப்பினா் சந்திரபிரியங்கா கலந்துகொண்டு பணியை தொடங்கிவைத்தாா். நிகழ்வில் பொதுப்பணித்துறை செயற்பொறியாளா் ஜெ. மகேஷ் மற்றும் துறை ஊழியா்கள், கிராம மக்கள் கலந்துகொண்டனா். குறித்த காலக்கெடுவுக்குள் சாலைப்பணியை செய்து முடிக்குமாறு பொதுப்பணித் துறையினரை பேரவை உறுப்பினா் கேட்டுக்கொண்டாா்.
