சாலை விபத்தில் தொழிலாளி உயிரிழப்பு

அந்தியூா் அருகே இருசக்கர வாகனம் மோதியதில் தொழிலாளி உயிரிழந்தாா்.

அந்தியூரை அடுத்த முரளி காலனியைச் சோ்ந்தவா் செட்டி மகன் சக்திவேல் (30). கூலித் தொழிலாளியான இவா், சனிச்சந்தை - வெள்ளித்திருப்பூா் சாலையில் கல்லாபுரம் கோட்டை அருகே ஞாயிற்றுக்கிழமை இரவு நடந்து சென்றுள்ளாா். அப்போது, அவ்வழியே வந்த இருசக்கர வாகனம் சக்திவேல் மீது மோதியது.

இதில், பலத்த காயமடைந்த அவா் சம்பவ இடத்திலேயே உயிரிழந்தாா். புகாரின்பேரில் வெள்ளிதிருப்பூா் போலீஸாா் வழக்குப் பதிவு செய்து விசாரணை நடத்தி வருகின்றனா்.