தோனி யாருக்கும் எதையும் நிரூபிக்க வேண்டியதில்லை: ஆடம் கில்கிறிஸ்ட்
அச்சிறுப்பாக்கம் அருகே மோட்டாா் பைக் மீது காா் மோதியதில் மாவட்ட ஊராட்சி உறுப்பினா் கணவா் உயிரிழந்தாா்.
அச்சிறுப்பாக்கம் பள்ளிப்பேட்டை கிராமத்தைச் சோ்ந்தவா் செல்வராஜ் (50). திமுகவைச் சோ்ந்த இவரது மனைவி மாலதி மாவட்ட ஊராட்சி உறுப்பினராக உள்ளாா்.
இவா்களது மூத்த மகனின் திருமணம் இன்னும் 3 நாள்களில் நடைபெற இருந்த நிலையில் நண்பா்களுக்கும், திமுக நிா்வாகிகளுக்கும் திருமண அழைப்பிதழ்களை கொடுத்து வந்தாா். திங்கள்கிழமை இரவு அச்சிறுப்பாக்கம் பஜாா் வீதியில் கட்சி நிா்வாகிகளுக்கு திருமண அழைப்பிதழ்களை கொடுத்துவிட்டு மோட்டாா் பைக்கில் வீட்டுக்கு தேசிய நெடுஞ்சாலை வழியாக சென்று கொண்டிருந்தாா்.
அப்போது சென்னைக்கு வேகமாகச் சென்ற காா் மோதியதில் பலத்த காயம் அடைந்த செல்வராஜ் நிகழ்விடத்திலேயே உயிரிழந்தாா்.
இதுகுறித்து தகவலறிந்து வந்த அச்சிறுப்பாக்கம் ஆய்வாளா் சரவணன் தலைமையிலான போலீஸாா் வழக்குப் பதிவுசெய்து விசாரித்து வருகிறாா்.
