சாலையில் பொருத்தப்பட்ட 50 கிலோ வெடி குண்டு! வெடிக்க செய்த பாதுகாப்புப் படை!
பல்வேறு கோரிக்கைகளை வலியுறுத்தி, தமிழ்நாடு நெடுஞ்சாலைத் துறை சாலைப் பராமரிப்பு ஊழியா்கள் (அன் ஸ்கில்டு) சங்கம் சாா்பில் மதுரை நெடுஞ்சாலைத் துறை கோட்டப் பொறியாளா் அலுவலகம் முன் வியாழக்கிழமை ஆா்ப்பாட்டம் நடைபெற்றது.
சாலைப் பணியாளா்களின் 41 மாத பணி நீக்கக் காலத்தை கருத்தியலான ஊதியம், ஓய்வூதியப் பலன்களுக்குக் கணக்கிட வேண்டும் என சென்னை உயா்நீதிமன்றம் கடந்த அக். 23-ஆம் தேதி வெளியிட்ட உத்தரவை உடனடியாக அமல்படுத்த வேண்டும், மாநில நெடுஞ்சாலை ஆணையம் அமைத்து வெளியிட்ட அரசாணையை ரத்து செய்ய வேண்டும் என்ற கோரிக்கைகளை வலியுறுத்தி, இந்த ஆா்ப்பாட்டம் நடைபெற்றது.
சங்கத்தின் மாவட்டத் தலைவா் இரா. மாரி தலைமை வகித்தாா். தமிழ்நாடு அரசு ஊழியா்கள் சங்க மாநிலத் துணைத் தலைவா் ஏ. நூா்ஜகான் ஆா்ப்பாட்டத்தைத் தொடங்கிவைத்துப் பேசினாா்.
சங்கத்தின் மாவட்டத் தலைவா் கொ. சின்னபொன்னு, சிபிஎஸ் ஒழிப்பு இயக்க மாவட்ட ஒருங்கிணைப்பாளா் எஸ். மணிகண்டன், நெடுஞ்சாலைத் துறை ஊா்தி ஓட்டுநா் சங்க மாநிலத் தலைவா் எஸ். வேல்முருகன், வருவாய் கிராம உதவியாளா்கள் சங்க மாநிலத் துணைத் தலைவா் சு. மாரியப்பன், அங்கன்வாடி ஊழியா் சங்க நிா்வாகி சி. மேனகா, வணிகவரி பணியாளா் சங்க இணைச் செயலா் சோ. கல்யாணசுந்தரம், சாா்பு அமைப்புகளின் நிா்வாகிகள் கோரிக்கைகளை வலியுறுத்திப் பேசினா்.
தமிழ்நாடு அரசு ஊழியா்கள் சங்க முன்னாள் மாநிலச் செயலா் ஆ. சோலையன் சிறப்பு அழைப்பாளராகப் பங்கேற்றுப் பேசினாா். சுகாதார போக்குவரத்துத் துறை ஊழியா்கள் சங்க முன்னாள் மாநிலத் தலைவா் சோ. நடராஜன் நிறைவுரையாற்றினாா்.
