குன்னூா்- மேட்டுப்பாளையம் மலைப் பாதையில் திங்கள்கிழமை சென்று கொண்டிருந்த காா் திடீரென தீப்பிடித்து எரிந்தது.
கோவை மாவட்டம், மேட்டுப்பாளையத்தில் இருந்து கல்லூரி மாணவரான நவீன். அவரது நண்பா்கள் 4 பேருடன் காரில் உதகைக்கு திங்கள்கிழமை சுற்றுலா சென்றுள்ளாா்.
அப்போது, மலைப் பாதையில் 8-ஆவது கொண்டை ஊசி வளைவு அருகே சென்றபோது, காரில் இருந்து புகை வெளியேறியுள்ளது. சுதாரித்துக் கொண்ட 5 பேரும் காரில் இருந்து கீழே இறங்கினா்.
சிறிது நேரத்தில் காா் முழுவதும் கொழுந்துவிட்டு எரிந்தது. தகவலறிந்து சம்பவ இடத்துக்கு வந்த குன்னூா் தீயணைப்பு அலுவலா் குமாா் தலைமையிலான தீயணைப்பு வீரா்கள் சுமாா் அரை மணி நேரம் போராடி தீயை அணைத்தனா்.
இதனால், குன்னூா்-மேட்டுப்பாளையம் மலைப் பாதையில் சுமாா் ஒரு மணி நேரம் போக்குவரத்து பாதிக்கப்பட்டது. இச்சம்பவம் குறித்து போலீஸாா் விசாரித்து வருகின்றனா்.
