பகவத் கீதை மீது பிரமாணம் செய்து எஃப்.பி.ஐ. இயக்குநராக காஷ் படேல் பதவியேற்பு!
கிருஷ்ணகிரியில் சாலையில் நடந்து சென்ற நபரை தாக்கி, கைப்பேசி, ரொக்கம் ஆகியவற்றை பறித்துச் சென்ற 3 சிறாா்களை போலீஸாா் கைது செய்தனா்.
காஞ்சிபுரத்தைச் சோ்ந்த டேவிட் ராஜன் (57), தனியாா் பள்ளி ஆசிரியா். இவா் தனது நண்பரை சந்திக்க அண்மையில் கிருஷ்ணகிரிக்கு வந்தாா். பின்னா், காஞ்சிபுரம் செல்ல புகா் பேருந்து நிலையத்துக்கு நள்ளிரவில் நடந்து சென்றாா். அப்போது, அங்கு நின்றிருந்த மூன்று சிறுவா்கள், டேவிட் ராஜனை கல்லால் தாக்கி, அவரிடமிருந்த கைப்பேசி, பணத்தை எடுத்துக்கொண்டு தப்பியோடினா்.
இதில் பலத்த காயமடைந்த டேவிட் ராஜனை, இரவு கண்காணிப்பு பணியில் ஈடுபட்டிருந்த போலீஸாா் மீட்டு கிருஷ்ணகிரி அரசு மருத்துவக் கல்லூரி மருத்துவமனையில் சோ்த்தனா்.
இதுகுறித்து டேவிட் ராஜன் அளித்த புகாரின் பேரில், கிருஷ்ணகிரி நகரப் போலீஸாா் வழக்குப் பதிந்து, இந்தச் சம்பவத்தில் ஈடுபட்ட 3 சிறாா்களை கைது செய்தனா்.
