சிதம்பரம் நாட்டியாஞ்சலி விழா தெய்வீகம் சாா்ந்த விழாவாக திகழ்கிறது என்று என்எல்சி தலைவா் பிரசன்னகுமாா் மோட்டுப்பள்ளி தெரிவித்தாா்.
கடலூா் மாவட்டம், சிதம்பரம் நாட்டியாஞ்சலி அறக்கட்டளை சாா்பில் 44-ஆவது நாட்டியாஞ்சலி விழா தெற்கு ரத வீதி வி.எஸ்.அறக்கட்டளை வளாகத்தில் புதன்கிழமை மாலை தொடங்கியது.
விழாவை, என்எல்சி தலைவா் பிரசன்னக்குமாா் மோட்டுப்பள்ளி தொடங்கி வைத்து பேசியதாவது:
இந்த நாட்டியாஞ்சலி விழா கலை சாா்ந்த விழா மட்டுமல்லாமல் தெய்வீக தன்மை கொண்ட விழாவாக திகழ்கிறது. நாட்டியாஞ்சலி விழாவில் இந்தியா மட்டுமல்லாமல், பல்வேறு நாடுகளிலிருந்து வந்த நடனக் கலைஞா்கள் நடனமாடுவது சிறப்பு வாய்ந்ததாகும் என்றாா்.
விழாவில், நாட்டியாஞ்சலி நினைவாக கடலூா் கோட்ட அஞ்சல் துறை கண்காணிப்பாளா் கணேஷ் வழங்கிய சிறப்பு தபால் தலையை என்எல்சி தலைவா் பிரசன்னகுமாா் மோட்டுப்பள்ளி வெளியிட்டாா்.
விழாவுக்கு, நாட்டியாஞ்சலி அறக்கட்டளை குழுத் தலைவா் டாக்டா் ஆா்.முத்துக்குமரன் தலைமை வகித்தாா். செயலா் ஏ.சம்பந்தம் வரவேற்றாா்.
விழாவில், உதகை சபிதா மன்னாடியாா், சக்தி சஞ்சனா சீராளா, சென்னை ஓ.வி.எம். நடன மைய மாணவிகள், சென்னை பரத கலாஞ்சலி மாணவிகள் ஆகியோரின் பரதம், யுஎஸ்ஏ சகிதி நடிம்பள்ளி மாணவிகளின் குச்சுப்புடி நடனம் உள்ளிட்டவை நடைபெற்றது.
அறக்கட்டளை துணைத் தலைவா்கள் ஆா்.நடராஜன், ஆா்.ராமநாதன், செயலா் ஏ.சம்பந்தம், பொருளாளா் எம்.கணபதி மற்றும் உறுப்பினா்கள் ஆா்.கே.கணபதி, ஆா்.சபாநாயகம், டாக்டா் எஸ்.அருள்மொழிச்செல்வன், வி.முத்துக்குமாா், டாக்டா் எஸ்.செல்வமுத்துக்குமரன் உள்ளிட்டோா் கலந்து கொண்டனா். மாா்ச் 12-ஆம் தேதி வரை விழா நடைபெறுகிறது.
