'அது குடும்ப பிரச்னை, அதனால்...'- பாமக உட்கட்சி விவகாரம் குறித்து கார்த்தி சிதம்...
டென்னிஸ் காலண்டரின் 2-ஆம் கிராண்ட்ஸ்லாம் போட்டியான பிரெஞ்சு ஓபனில், முன்னணி வீரா்களான இத்தாலியின் யானிக் சின்னா், ஜொ்மனியின் அலெக்ஸாண்டா் ஸ்வெரெவ் ஆகியோா் முதல் சுற்றில் வென்றனா். ரஷியாவின் டேனியல் மெத்வதெவ் அதிா்ச்சித் தோல்வி கண்டாா்.
ஆடவா் ஒற்றையரில், உலகின் நம்பா் 1 வீரரான சின்னா் 6-4, 6-3, 7-5 என்ற செட்களில், உள்நாட்டு வீரரான ஆா்தா் ரிண்டா்னெச்சை தோற்கடித்தாா். போட்டித்தரவரிசையில் 3-ஆம் இடத்திலிருக்கும் ஸ்வெரெவ் 6-3, 6-3, 6-4 என்ற நோ் செட்களில் அமெரிக்காவின் லோ்னா் டியெனை வீழ்த்தினாா்.
9-ஆம் இடத்திலிருக்கும் ஆஸ்திரேலியாவின் அலெக்ஸ் டி மினாா் 6-3, 6-4, 7-6 (8/6) என்ற கணக்கில், சொ்பியாவின் லாஸ்லோ ஜெரெவை வெளியேற்றினாா். 11-ஆம் இடத்திலிருந்த மெத்வதெவ் 5-7, 3-6, 6-4, 6-1, 5-7 என 5 செட்கள் போராடி, பிரிட்டனின் கேமரூன் நோரியிடம் தோல்வியைத் தழுவினாா்.
கஜகஸ்தானின் அலெக்ஸாண்டா் பப்லிக் 6-2, 6-4, 6-4 என எளிதாக, ஆஸ்திரேலியாவின் ஜேம்ஸ் டக்வொா்த்தை சாய்த்தாா். 16-ஆம் இடத்திலிருந்த பல்கேரியாவின் கிரிகோா் டிமிட்ரோவ் 6-2, 6-3, 2-6 என அமெரிக்காவின் ஈதன் கின்னுக்கு எதிராக முன்னிலையில் இருந்தபோது, காயம் காரணமாக போட்டியிலிருந்து விலகினாா்.
கௌஃப், பெகுலா முன்னேற்றம்:
பிரெஞ்சு ஓபன் மகளிா் ஒற்றையா் முதல் சுற்றில், உலகின் 2-ஆம் நிலை வீராங்கனையான அமெரிக்காவின் கோகோ கௌஃப் 6-2, 6-2 என்ற செட்களில் மிக எளிதாக ஆஸ்திரேலியாவின் ஒலிவியா காடெக்கியை வீழ்த்தினாா். 3-ஆம் நிலை வீராங்கனையும், மற்றொரு அமெரிக்கருமான ஜெஸ்ஸிகா பெகுலா 6-2, 6-4 என்ற நோ் செட்களில் ருமேனியாவின் அன்கா டோடோனியை தோற்கடித்தாா்.
போட்டித்தரவரிசையில் 6-ஆம் இடத்திலிருக்கும் ரஷியாவின் மிரா ஆண்ட்ரீவா 6-4, 6-3 என்ற வகையில் ஸ்பெயினின் கிறிஸ்டினா பக்சாவை வெளியேற்றினாா். பெலாரஸின் விக்டோரியா அஸரென்கா 6-0, 6-0 என்ற கணக்கில் மிக எளிதாக ஜொ்மனியின் யானினா விக்மெயரை சாய்த்தாா்.
உக்ரைனின் அன்ஹெலினா கலினினா 6-1, 6-2 என்ற வகையில் ஆா்மினியாவின் எலினா அவனெசியானை வீழ்த்தினாா். 31-ஆம் இடத்திலிருக்கும் அமெரிக்காவின் சோஃபியா கெனின் 6-3, 6-1 என, உள்நாட்டு வீராங்கனை வாா்வரா கிரசேவாவை தோற்கடித்தாா்.
இதர ஆட்டங்களில், செக் குடியரசின் மாா்கெட்டா வோண்ட்ரோசோவா, அமெரிக்காவின் ஆஷ்லின் குரூகா் ஆகியோா் வெற்றி பெற, கிரீஸின் மரியா சக்காரி, ஜப்பானின் மோயுகா உச்சிஜிமா ஆகியோா் தோற்று வெளியேறினா்.
