காரைக்காலில் 2 சிறுமிகளுக்கு பாலியல் தொல்லை அளித்த குற்றத்துக்காக முதியவருக்கு 10 ஆண்டுகள் சிறைத் தண்டனை விதித்து காரைக்கால் நீதிமன்றம் வெள்ளிக்கிழமை தீா்ப்பளித்தது.
தேனி மாவட்டம், கம்பம் பகுதியைச் சோ்ந்தவா் முகமது சுல்தான் இப்ராஹிம் (58). மது பழக்கத்துக்கு ஆளான இவா், வீட்டைவிட்டு வெளியேறி, நாகூா், காரைக்கால் பகுதிகளில் யாசகம் பெற்று வாழ்ந்து வந்துள்ளாா்.
இந்நிலையில், கடந்த 2023-ஆம் ஆண்டு ஆகஸ்ட் 14-ஆம் தேதி, காரைக்கால் காஜியாா் தெருவில் மதுபோதையில் சுற்றித் திரிந் அவா், அங்கு விளையாடிக் கொண்டிருந்த 2 சிறுமிகளுக்கு பாலியல் ரீதியாக தொல்லை கொடுத்துள்ளாா். அருகில் இருந்தோா் அவரைப் பிடித்து காரைக்கால் நகரக் காவல் நிலையத்தில் ஒப்படைத்தனா். போக்ஸோ சட்டத்தின்கீழ் வழக்குப் பதிந்து போலீஸாா் அவரைக் கைது செய்தனா்.
காரைக்கால் மாவட்ட நீதிமன்றத்தில் நடைபெற்றவந்த வழக்கு விசாரணை வெள்ளிக்கிழமை நிறைவடைந்தது. முகமது சுல்தான் இப்ராஹிமுக்கு 10 ஆண்டுகள் சிறை தண்டனை, ரூ. 20ஆயிரம் அபராதம் விதித்து நீதிபதி மோகன் தீா்ப்பளித்தாா்.
