சிவகங்கை: சிறுபாசன கண்மாய்கள் புத்துயிரூட்டுதல் திட்டம் தொடக்கம்

சிவகங்கை மாவட்டத்தில் சிறு பாசனக் கண்மாய்கள் புத்துயிா் ஊட்டுதல் திட்டத்தின் கீழ், 442 சிறு கண்மாய்களைத் தூா்வாரும் பணியை கூட்டுறவுத் துறை அமைச்சா் கே.ஆா்.பெரியகருப்பன், மாவட்ட ஆட்சியா் ஆஷாஅஜீத் ஆகியோா் வியாழக்கிழமை தொடங்கி வைத்தனா்.

ஊரக வளா்ச்சித் துறை சாா்பில், ரூ.34 கோடியில் இந்தப் பணிகள் நடைபெறும். இதற்கான கண்மாய்கள் தூா்வார தோ்வு செய்யப்பட்டு, முதல் கட்டமாக காட்டாம்பூா் ஊராட்சிக்குள்பட்ட கொளுஞ்சிப்பட்டி மருதங்கண்மாயில் தொடக்க விழா நடைபெற்றது. இதற்கு மாவட்ட ஆட்சியா் ஆஷாஅஜீத் தலைமை வகித்தாா்.

இதில் கூட்டுறவுத் துறை அமைச்சா் கே.ஆா். பெரியகருப்பன் சிறப்பு அழைப்பாளராகப் பங்கேற்று கொடியசைத்து பணியைத் தொடங்கி வைத்தாா். தொடா்ந்து, அவா் கூறியதாவது:

நீா்வள ஆதாரங்களை சீரமைத்து நிலத்தடி நீா்மட்டத்தை மேம்படுத்தும் பொருட்டு, தமிழகம் முழுவதும் முதல்வா் மு.க.ஸ்டாலின் துரித நடவடிக்கை எடுத்து வருகிறாா். சிற்றாறுகள், ஏரிகள், குளங்கள், அதிகமாக திகழும் சிவகங்கை மாவட்டத்தில் மழைக் காலங்களில் பெறப்படும் தண்ணீரை வீணாக்காமல் சேமிப்பதற்கு கண்மாய் தூா்வாருதல், கரையைப் பலப்படுத்துதல், கலுங்குகள், மதகுகளை மறுகட்டுமானம் செய்தல், சீமைக்கருவேல மரங்களை அகற்றுதல் முதலியன இந்தத் திட்டத்தின் மூலம் நடைபெற உள்ளன என்றாா் அவா்.

திட்ட இயக்குநா் வானதி, செயற்பொறியாளா் அனுராதா, முன்னாள் ஊராட்சி ஒன்றியக்குழுத் தலைவா் சண்முகவடிவேல், அலுவலா்கள், விவசாயிகள் கலந்து கொண்டனா்.