சிவகங்கை மாவட்ட நிா்வாகம், பள்ளிக் கல்வித் துறை, பொது நூலக இயக்ககம், தென்னிந்திய புத்தக விற்பனையாளா், பதிப்பாளா் சங்கம் இணைந்து 10 நாள்கள் நடத்தும் புத்தகத் திருவிழா வெள்ளிக்கிழமை (பிப்.21) தொடங்குகிறது.
சிவகங்கை மன்னா் மேல்நிலைப் பள்ளி விளையாட்டு மைதானத்தில் வருகிற மாா்ச் 2-ஆம் தேதி வரை 10 நாள்கள் இந்த புத்தகத் திருவிழா நடைபெறுகிறது. இந்த புத்தகத் திருவிழாவை கூட்டுறவுத் துறை அமைச்சா் கேஆா்.பெரியகருப்பன் வெள்ளிக்கிழமை காலை 9.30 மணியளவில் தொடங்கிவைக்கிறாா்.
இந்த விழாவுக்கு மாவட்ட ஆட்சியா் ஆஷாஅஜித் தலைமை வகிக்கிறாா். முன்னாள் மத்திய அமைச்சா் ப.சிதம்பரம், மக்களவை உறுப்பினா் காா்த்திசிதம்பரம் ஆகியோா் முன்னிலை வகிக்கின்றனா்.
பிற்பகலில் நடைபெறும் நிகழ்வில், மதுரை வி.ராமகிருஷ்ணன், ஜெயங்கொண்டான் ஆகியோா் இரு வேறு தலைப்புகளில் பேசுகின்றனா்.
சனிக்கிழமை (பிப்.22) காலை பெருந்திரள் வாசிப்பும், இரவு 7 மணியளவில் பேராசிரியா் கு.ஞானசம்பந்தம் தலைமையில் பட்டிமன்றமும் நடைபெறவுள்ளது.
ஞாயிற்றுக்கிழமை (பிப்.23) இரவு 7 மணியளவில் பேராசிரியா் சாலமன் பாப்பையா தலைமையில் பட்டிமன்றமும், திங்கள்கிழமை இரவு 7 மணியளவில் ‘ஏன் படிக்க வேண்டும்’ என்ற தலைப்பில் சுகிசிவமும், ‘கவியரசரின் அழகியல்’ தலைப்பில் திருச்சி க.சிவகுருநாதனும், செவ்வாய்க்கிழமை இரவு 7 மணியளவில் புலவா் கா.காளிராசாவும், தொலைக்காட்சி புகழ் ஈரோடு மகேஸும் பேசுகின்றனா்.
வியாழக்கிழமை இரவு 7 மணியளவில் முன்னாள் தலைமைச் செயலா் வெ.இறையன்பு, அகில இந்திய வானொலி நிலைய முன்னாள் இயக்குநா் சுந்தர ஆவுடையப்பன் ஆகியோா் பேசுகின்றனா்.
வெள்ளிக்கிழமை மாலை குருகாா்த்திக்கின் மேஜிக் நிகழ்ச்சி நடைபெறுகிறது. இரவு 7 மணியளவில் பேச்சாளா்கள் ரெ.சண்முகவடிவேலு பேசுகிறாா். தொடா்ந்து டி.என்.அன்புத்துரை தலைமையில் பட்டிமன்றம் நடைபெறுகிறது.
சனிக்கிழமை இரவு 7 மணியளவில் பேராசிரியா் பா்வீன்சுல்தானா, வழக்குரைஞா் எம்.பி.நாதன் ஆகியோா் பேசுகின்றனா்.
ஞாயிற்றுக்கிழமை (மாா்ச் 2) மாலை 6 மணியளவில் சண்முக திருக்குமரன், தேவகோட்டை க.பூஜிதா, தவத்திரு குன்றக்குடி அடிகளாா் ஆகியோா் பேசுகின்றனா். தொடா்ந்து, தென்னிந்திய புத்தக விற்பனையாளா், பதிப்பாளா் சங்க செயலா் எஸ்.கே.முருகன் நிறைவுரையாற்றுகிறாா். புத்தகத் திருவிழா நடைபெறும் நாள்களில் தினந்தோறும் காலை பள்ளி, கல்லூரி மாணவிகளின் கலை நிகழ்ச்சிகள் நடைபெறும்.
