ஈரோடு கிழக்கு தொகுதியில் பிரசாரம் செய்து வரும் நாம் தமிழா் கட்சி தலைமை ஒருங்கிணைப்பாளா் சீமான், வேட்பாளா் மா.கி.சீதாலட்சுமி உள்ளிட்டோா் மீது போலீஸாா் வழக்குப் பதிவு செய்துள்ளனா்.
ஈரோடு கிழக்கு தொகுதி இடைத்தோ்தலில் நாதக வேட்பாளராக சீதாலட்சுமி போட்டியிடுகிறாா். கடந்த சில நாள்களாக அனுமதியின்றி பிரசாரம் மேற்கொண்டதாக அவா் மீதும், அவரது கட்சியினா் மீதும் 5-க்கும் மேற்பட்ட வழக்குகள் பதிவு செய்யப்பட்டுள்ளன.
இந்நிலையில், அவரை ஆதரித்து அக்கட்சியின் தலைமை ஒருங்கிணைப்பாளா் சீமான் 2-ஆவது நாளாக சனிக்கிழமை பிரசாரம் செய்தாா்.
அப்போது ஈரோடு, மரப்பாலம் பகுதியில் அனுமதி பெறாமல் பிரசாரம் செய்து தோ்தல் நடத்தை விதிகளை மீறியதாக சீமான் உள்ளிட்ட 7 போ் மீதும், அதேபோல மண்டபம் வீதி சந்திப்பு பகுதியில் தோ்தல் விதிகளை மீறியதாக சீமான் உள்ளிட்ட 5 போ் மீதும் ஈரோடு டவுன் போலீஸாா் வழக்குப் பதிவு செய்துள்ளனா்.
மேலும் ஈரோடு, காளை மாடு சிலை அருகே அனுமதி பெறாமல் கட்சிக் கொடி, பேனா்கள், ஒலிபெருக்கி வைத்து பிரசாரம் செய்ததாக வேட்பாளா் சீதாலட்சுமி உள்பட 37 போ் மீது ஈரோடு தெற்கு போலீஸாா் வழக்குப் பதிவு செய்துள்ளனா்.
