சுந்தரனாா் பல்கலை. வேலைவாய்ப்பு முகாம்: 728 பேருக்கு உடனடி பணி நியமன ஆணை

மனோன்மணியம் சுந்தரனாா் பல்கலைக்கழகத்தில் நடைபெற்ற வேலைவாய்ப்பு முகாமில் தோ்வானவா்களில் 728 பேருக்கு மேடையிலேயே பணி நியமன ஆணைகள் வழங்கப்பட்டன.

மனோன்மணியம் சுந்தரனாா் பல்கலைக்கழகம் மற்றும் இன்பேக்ட் ப்ரோ டிரெயினா்ஸ் நிறுவனம் இணைந்து நடத்திய வேலைவாய்ப்பு முகாம் சனிக்கிழமை நடைபெற்றது. இதில் 91 முன்னணி நிறுவனங்கள் பங்கேற்றன. 2,753 பட்டதாரி மாணவா்கள் நோ்முகத் தோ்வில் கலந்துகொண்டனா். அவா்களில் 1,323 போ் முதல் கட்டமாக தோ்ந்தெடுக்கப்பட்டனா்.

முகாமின் நிறைவாக பணி ஆணை வழங்கும் நிகழ்வை, பல்கலைக்கழக துணைவேந்தா் என்.சந்திரசேகா் தலைமை வகித்து தொடங்கி வைத்தாா். பல்கலைக்கழக பதிவாளா் ஜே.சாக்ரடீஸ் வரவேற்றாா். ஆட்சி மன்ற குழு உறுப்பினா் அண்ணாதுரை வாழ்த்தி பேசினாா்.

இதில் சட்டப்பேரவைத் தலைவா் மு.அப்பாவு, உயா்கல்வித் துறை அமைச்சா் கோவி. சேழியன், நகராட்சி நிா்வாகத் துறை அமைச்சா் கே.என். நேரு , மாவட்ட ஆட்சியா் இரா.சுகுமாா் ஆகியோா் கலந்துகொண்டு சிறப்புரையாற்றினா். வேலைவாய்ப்பு பெற்ற மாணவா்களில் 728 பேருக்கு மேடையிலேயே பணி நியமன ஆணைகளை வழங்கி வாழ்த்தினா்.

இந்நிகழ்வில் பாளையங்கோட்டை சட்டப்பேரவைத் தொகுதி உறுப்பினா் மு.அப்துல் வஹாப், மாநகர மேயா் கோ.ராமகிருஷ்ணன், துணை மேயா் கே.ஆா்.ராஜு, மாநகர ஆணையா் மோனிகா ராணா, மாநகர காவல் துணை ஆணையா் (மேற்கு) வி.பிரசன்னகுமாா், மனிதவள மேலாளா்கள், பல்கலைக்கழக உறுப்புக் கல்லூரி வேலைவாய்ப்பு அதிகாரிகள், பேராசிரியா்கள் மற்றும் நிா்வாகப் பணியாளா்கள் உள்பட பலா் பங்கேற்றனா்.