சென்னிமலை அருகே நெல் சாகுபாடி மேலாண்மைப் பயிற்சி

சென்னிமலை வட்டாரம், புங்கப்பாடி கிராமம், நத்தக்காட்டுப்பாளையத்தில் நெல் சாகுபாடி மேலாண்மை குறித்த வயல் விழா வெள்ளிக்கிழமை நடைபெற்றது.

விழாவுக்கு, ஈரோடு உழவா் பயிற்சி நிலைய துணை இயக்குநா் அருள்வடிவு தலைமை வகித்தாா். சென்னிமலை வேளாண்மை உதவி இயக்குநா் சாமுவேல் முன்னிலை வகித்தாா்.

விழாவில், இயற்கை நெல் சாகுபடி செய்வது குறித்தும், அதன் முக்கியத்துவம் மற்றும் இயற்கை இடு பொருள்களான பஞ்சகாவ்யா, அமுதக் கரைசல், மீன் அமினோ அமிலம், இயற்கை பூச்சி விரட்டிகள் தயாரித்து பயன்படுத்துவது குறித்தும், மேலும் இயற்கை விவசாயத்தை ஊக்குவிக்க மத்திய, மாநில அரசுகள் வழங்கும் மானிய திட்டங்கள் குறித்தும் துணை இயக்குநா் அருள்வடிவு எடுத்துரைத்தாா்.

பவானிசாகா் வேளாண்மை ஆராய்ச்சி நிலைய நோயியல் விஞ்ஞானி மருத்துவா் மருதாச்சலம் கலந்து கொண்டு, நெல் பயிரைத் தாக்கும் பூச்சிகள், நோய்கள் மற்றும் அதன் அறிகுறிகள், கட்டுப்பாடு முறைகள் குறித்து பேசினாா். பின்னா் விவசாயிகளின் சந்தேகங்களுக்கு விளக்கம் அளித்தாா்.

விழாவில், கோபிசெட்டிபாளையம் மைராட வேளாண்மை அறிவியல் நிலையத்தைச் சோ்ந்த ஜான் பிரபாகா், தோட்டக்கலை உதவி இயக்குநா் மேகலா, வெள்ளோடு கால்நடை மருத்துவா் ராஜா, ஈரோடு உழவா் பயிற்சி நிலைய வேளாண்மை அலுவலா் சுகன்யா உள்பட பலா் கலந்து கொண்டு பேசினா்.

விழாவில், புங்கம்பாடி கிராமத்தைச் சோ்ந்த 20 விவசாயிகளுக்கு மண்வள அட்டைகள் வழங்கப்பட்டு, அதன் முடிவுகள் குறித்த அறிவுரைகள் எடுத்துரைக்கப்பட்டது.

இதில், வெள்ளோடு, கவுண்டிச்சிபாளையம், புங்கம்பாடி உள்ளிட்ட பகுதிகளைச் சோ்ந்து விவசாயிகள் கலந்து கொண்டனா்.

விழாவுக்கான ஏற்பாடுகளை சென்னிமலை வட்டார தொழில்நுட்ப மேலாளா் மோகனசுந்தரம் மற்றும் உதவி வேளாண்மை அலுவலா்கள் காா்த்திகேயன், தேவி ஆகியோா் செய்திருந்தனா்.