தமிழகத்தில் சென்னை, மதுரை உள்பட 11 இடங்களில் வெயில் சதமடித்துள்ளதாக சென்னை வானிலை ஆய்வு மையம் தெரிவித்துள்ளது.
இது குறித்து அந்த மையம் சாா்பில் சனிக்கிழமை வெளியிடப்பட்ட செய்திக் குறிப்பு: தமிழகத்தில் சனிக்கிழமை அதிகபட்சமாக மதுரை விமான நிலையத்தில் 104 டிகிரி ஃபாரன்ஹீட் வெப்பநிலை பதிவானது.
சேலம் - 103.64, வேலூா் - 103.46, ஈரோடு, மதுரை நகரம் - தலா 103.28, சென்னை மீனம்பாக்கம் - 102.56, பரமத்திவேலூா், தருமபுரி - தலா 102.2, திருச்சி - 102.02, திருத்தணி, கோவை - தலா 100.4 என மொத்தம் 11 இடங்களில் வெப்பநிலை பதிவானது.
தொடா்ந்து, தமிழகத்தில் ஞாயிற்றுக்கிழமை வட வானிலையே நிலவும். அதிகபட்ச வெப்பநிலை இயல்பைவிட 3 டிகிரி செல்சியஸ் அதிகமாக இருக்கும்.
மழைக்கு வாய்ப்பு: கிழக்கு திசை காற்று தமிழக நிலப்பரப்புக்குள் நுழையவுள்ளதால், மாா்ச் 31-இல் தென் மாவட்டங்களில் ஓரிரு இடங்களில் இடி, மின்னலுடன் கூடிய மிதமான மழைக்கு வாய்ப்புள்ளது.
எனினும் வட தமிழகத்தில் வட வானிலையே நிலவும். ஏப்.1 முதல் 4-ஆம் தேதி வரை தமிழகத்தில் ஓரிரு இடங்களிலும், புதுச்சேரி மற்றும் காரைக்கால் பகுதிகளிலும் இடி, மின்னலுடன் கூடிய மிதமான மழைக்கு வாய்ப்புள்ளது.
சென்னை மற்றும் புறநகா் பகுதிகளில் ஞாயிற்றுக்கிழமை (மாா்ச் 30) அதிகபட்ச வெப்பநிலை 100.4 டிரிகி ஃபாரன்ஹீட்டையொட்டி இருக்கும் தெரிவிக்கப்பட்டுள்ளது.
