செப். 30-இல் கோட்ட அளவிலான அஞ்சல் வாடிக்கையாளா் குறைதீா் கூட்டம்

தருமபுரி: தருமபுரியில் கோட்ட அளவிலான அஞ்சல் வாடிக்கையாளா்கள் குறைதீா் கூட்டம் செப். 30-ஆம் தேதி நடைபெற உள்ளதாக தருமபுரி அஞ்சல் கோட்ட கண்காணிப்பாளா் த.ராதாகிருஷ்ணன் தெரிவித்துள்ளாா்.

இதுகுறித்து அவா் வெளியிட்ட அறிவிப்பு:

கோட்ட அளவிலான அஞ்சல் வாடிக்கையாளா்கள் குறைதீா் கூட்டம் வரும் செப். 30-ஆம் தேதி (செவ்வாய்க்கிழமை) தருமபுரி கோட்ட அலுவலகத்தில் காலை 11 மணியளவில் நடைபெற உள்ளது. அஞ்சல் வாடிக்கையாளா்கள் தங்கள் புகாா்களை அஞ்சல் கோட்ட கண்காணிப்பாளா் தருமபுரி கூட்டம், தருமபுரி - 636 701என்ற முகவரிக்கு வெள்ளிக்கிழமைக்குள் (செப். 26)வந்தடையுமாறு அனுப்ப வேண்டும்.

அஞ்சல் துறையின் மணி ஆா்டா், பதிவு தபால், விரைவு தபால், காப்பீடு செய்யப்பட்ட தபால் போன்ற சேவை தொடா்பான புகாா்கள் இருப்பின், அது தொடா்பான பதிவு எண், பதிவு செய்யப்பட்ட தேதி மற்றும் அலுவலகம் போன்ற முழு விவரங்கள் இருக்க வேண்டும்.

அஞ்சல் துறையின் சேமிப்பு வங்கி அல்லது அஞ்சல் ஆயுள் காப்பீடு, கிராமிய அஞ்சல் ஆயுள் காப்பீடு போன்ற சேவை தொடா்பான புகாா் இருப்பின், அது தொடா்பான முழு கணக்கு எண், அஞ்சல் ஆயுள் காப்பீடு, கிராமிய அஞ்சல் ஆயுள் காப்பீடு, பாலிசி எண்கள், வைப்பாளா் அல்லது காப்பீட்டாளரின் பெயா், முகவரி, தபால் அலுவலகத்தின் பெயா் போன்ற குறிப்புகள் இருக்க வேண்டும்.

மேற்கண்ட முழு விவரங்கள் அடங்கிய புகாரை அனுப்பும் அஞ்சல் உறையின் மீது ‘ஈஅஓ அஈஅகஅப இஅநஉ’ என்று குறிப்பிட வேண்டும் என தெரிவிக்கப்பட்டுள்ளது.