`அதிமுக நிர்வாகி, காவல்துறை அதிகாரி கைது!' -சென்னையை உலுக்கிய சிறுமி பாலியல் வழக...
சேலம்: சேலம் மாவட்டத்தில் இறுதி வாக்காளா் பட்டியலை மாவட்ட தோ்தல் அலுவலரும், ஆட்சியருமான ரா.பிருந்தாதேவி திங்கள்கிழமை வெளியிட்டாா். மாவட்டத்தில் மொத்தமுள்ள 11 சட்டப்பேரவைத் தொகுதிகளிலும் 29,99,953 வாக்காளா்கள் உள்ளனா்.
இதுகுறித்து பின்னா் மாவட்டத் தோ்தல் அலுவரும் ஆட்சியருமான ரா.பிருந்தாதேவி தெரிவித்ததாவது:
சேலம் மாவட்டத்தில் கடந்த அக்டோபா் மாதம் 29 ஆம் தேதி வரைவு வாக்காளா் பட்டியல் வெளியிடப்பட்டு, 2025 ஜனவரி முதல் நாளை தகுதி நாளாகக் கொண்டு வாக்காளா் பட்டியல் திருத்தம் செய்யும் பணி தொடங்கப்பட்டது. கடந்த நவம்பா் 16, 17, 23, 24 ஆகிய தேதிகளில் அனைத்து வாக்குப் பதிவு மையங்களில் சிறப்பு முகாம்கள் நடத்தப்பட்டன. தொடா்ந்து, கடந்த நவம்பா் 28 ஆம் தேதி வரை படிவங்கள் பெறப்பட்டு, அதன் மீது நடவடிக்கை மேற்கொள்ளப்பட்டு இறுதி வாக்காளா் பட்டியல் வெளியிடப்பட்டுள்ளது.
சேலம் மாவட்டத்தில் கெங்கவல்லி (தனி) சட்ட
ப்பேரவைத் தொகுதியில் ஆண்கள் 1,12,591, பெண்கள் 1,19,065, இதரா் 9 போ் என மொத்தம் 2,31,665 போ் வாக்களிக்க தகுதி பெற்றுள்ளனா். ஆத்தூா் (தனி) தொகுதியில் ஆண்கள் 1,17,645, பெண்கள் 1,25,473, இதரா் 20 பேரும் என மொத்தம் 2,43,138 போ் உள்ளனா்.
ஏற்காடு (தனி) தொகுதியில் ஆண்கள் 1,39,714, பெண்கள் 1,46,584, இதரா் 16 பேரும் என மொத்தம் 2,86,314 பேரும், ஓமலூா் தொகுதியில் ஆண்கள் 1,54,258, பெண்கள் 1,48,350, இதரா் 14 போ் என மொத்தம் 3,02,622 வாக்காளா்களும் உள்ளனா்.
மேட்டூா் தொகுதியில் ஆண்கள் 1,39,997, பெண்கள் 1,37,747, இதரா் 18 போ் என மொத்தம் 2,77,762 வாக்காளா்களும்,
எடப்பாடி தொகுதியில் ஆண்கள் 1,46,507, பெண்கள் 1,43,628, இதரா் 23 போ் என மொத்தம் 2,90,158 வாக்காள்களும், சங்ககிரி தொகுதியில் ஆண்கள் 1,37,313, பெண்கள் 1,35,519, இதரா் 17 பேரும் என மொத்தம் 2,72,849 வாக்காளா்கள் உள்ளனா்.
சேலம் (மேற்கு) தொகுதியில் ஆண்கள் 1,51,857, பெண்கள் 1,53,973, இதரா் 78 பேரும் என மொத்தம் 3,05,908 வாக்காளா்களும்,
சேலம் (வடக்கு) தொகுதியில் ஆண்கள் 1,31,992, பெண்கள் 1,39,580, இதரா் 48 போ் என
மொத்தம் 2,71,620 வாக்காளா்களும், சேலம் (தெற்கு) தொகுதியில் ஆண்கள் 1,23,957, பெண்கள் 1,30,387, இதரா் 59 பேரும் என மொத்தம் 2,54,403 வாக்காளா்களும் உள்ளனா். வீரபாண்டி தொகுதியில் ஆண்கள் 1,31,876, பெண்கள் 1,31,616, இதரா் 22 பேரும் என மொத்தம் 2,63,514 வாக்காளா்கள் உள்ளனா்.
சேலம் மாவட்டத்தில் வெளியிடப்பட்டுள்ள 11 தொகுதிகளுக்கான இறுதி வாக்காளா் பட்டியலில் ஆண்கள் 14,87,707 பேரும், பெண்கள் 15,11,922 பேரும், இதரா் 324 பேரும் என மொத்தம் 29,99,953 வாக்காளா்கள் பட்டியலில் இடம்பெற்றுள்ளனா்.
சிறப்பு சுருக்க முறை திருத்தப் பணிகளில் சேலம் மாவட்டம் முழுவதும் மொத்தம் 74,976 வாக்காளா்களின் பெயா் சோ்க்கப்பட்டும், 36,536 வாக்காளா்களின் பெயா் நீக்கப்பட்டும், 18-19 வயதுக்கு உள்பட்ட புதிய வாக்காளா்கள் 60,356 எண்ணிக்கையிலும் சோ்க்கப்பட்டுள்ளனா்.
தொடா்ச்சியாக வாக்காளா் பட்டியலில் பெயா் சோ்த்தல், நீக்கல், திருத்தங்கள் மேற்கொள்வதற்கு அந்தந்த வாக்குப்பதிவு மையங்கள், வட்டாட்சியா் அலுவலகங்கள், நகராட்சி, மாநகராட்சி அலுவலகங்கள், வருவாய் கோட்டாட்சியா் அலுவலங்களில் விண்ணப்பப் படிவங்களைப் பெற்று பூா்த்தி செய்து தகுந்த ஆவணங்களுடன் விண்ணப்பிக்கலாம் எனக் கூறினாா்.
இந் நிகழ்வில், மாவட்ட வருவாய் அலுவலா் பெ. மேனகா, மாவட்ட ஆட்சியரின் நோ்முக உதவியாளா் (தோ்தல்) சிவசுப்பிரமணியன், வருவாய் கோட்டாட்சியா் அ.அபிநயா உள்ளிட்ட அரசு அலுவலா்கள், அங்கீகரிக்கப்பட்ட அரசியல் கட்சிகளின் பிரதிநிதிகள் கலந்துகொண்டனா்.
