முடிவுக்கு வந்த தாய்லாந்து - கம்போடியா போர்; மலேசியா பேச்சுவார்த்தையில் முக்கிய ...
கரூா் மாவட்டத்தில் சைபா் குற்றவாளிகளிடமிருந்து மீட்கப்பட்ட பணம் ரூ. 85 லட்சத்தை பாதிக்கப்பட்டவா்களிடம் திங்கள்கிழமை மாவட்ட காவல் கண்காணிப்பாளா் கே.ஜோஷ்தங்கையா ஒப்படைத்தாா்.
கரூா் மாவட்டத்தில் பொதுமக்களிடம் இருந்து திருட்டுப்போன கைப்பேசிகள் மற்றும் ஆன்லைன் வா்த்தகத்தில் ஏமாற்றப்பட்டவா்கள் ஆகியோரின் புகாா்களை சைபா் கிரைம் போலீஸாா் விசாரித்து கடந்த சில மாதங்களாக ரூ.38 லட்சம் மதிப்பிலான 163 கைப்பேசிகள், சைபா் குற்றங்களில் பாதிக்கப்பட்டு இழந்தவா்களின் பணம் ரூ. 85 லட்சம் மீட்கப்பட்டது.
இதையடுத்து பாதிக்கப்பட்டவா்களுக்கு கைப்பேசிகள், மீட்கப்பட்ட பணம் வழங்கும் நிகழ்ச்சி திங்கள்கிழமை மாவட்ட காவல் கண்காணிப்பாளா் அலுவலகத்தில் நடைபெற்றது.
நிகழ்ச்சிக்கு மாவட்ட காவல்கண்காணிப்பாளா் கே.ஜோஷ்தங்கையா தலைமை வகித்து, பாதிக்கப்பட்டவா்களிடம் கைப்பேசிகள் மற்றும் பணத்தை வழங்கினாா்.
தொடா்ந்து சிறப்பாக செயல்பட்ட சைபா் கிரைம் கூடுதல் காவல் கண்காணிப்பாளா் ப. பிரபாகரன், காவல் ஆய்வாளா் ப. பரிமளாதேவி, உதவி ஆய்வாளா் சுதா்சனன், கரூா் நகர காவல் நிலைய டேட்டா என்ட்ரி ஆபரேட்டா் அருண்குமாா் மற்றும் காவலா்களை மாவட்ட காவல் கண்காணிப்பாளா் பாராட்டினாா்.
நிகழ்ச்சியில் மாவட்ட கூடுதல் காவல் கண்காணிப்பாளா் (தலைமையிடம்) என். பிரேமானந்தன் மற்றும் மாவட்ட குற்றப்பிரிவு காவல் துணை கண்காணிப்பாளா் என். முத்துக்குமாா் ஆகியோா் கலந்து கொண்டனா்.
