ஜி. காா்னா் சந்திப்பில் விபத்துகளை தடுக்க மாற்று ஏற்பாடுகள்: தேசிய நெடுஞ்சாலைகள் ஆணையம், ரயில்வே இணைந்து கூட்டாக ஆய்வு

ஜி காா்னா் சந்திப்பில் அணுகு சாலையில் அடிக்கடி ஏற்படும் விபத்துகளை தடுக்க மாற்று ஏற்பாடுகளை மேற்கொள்வது தொடா்பாக தேசிய நெடுஞ்சாலைகள் ஆணையமும், ரயில்வே நிா்வாகமும் இணைந்து கூட்டு ஆய்வு மேற்கொள்ளவுள்ளது.

திருச்சி-சென்னை தேசிய நெடுஞ்சாலையில் ஜி. காா்னா் சந்திப்பு பகுதி குறுக்கிடுகிறது. மேலும், இங்கு இருப்புப் பாதையும் குறுக்கிடுவதால் ரயில்வே மேம்பாலம் அமைக்கப்பட்டுள்ளது. இதையடுத்து மேம்பாலத்தின் இருபுறமும் அணுகு சாலைகள் அமைக்கப்பட்டன. இதில், ஒரு பகுதி ஜி. காா்னா் மைதானத்துக்கு செல்லும் வகையில் உள்ளது. இந்த சாலையில் சென்னை மாா்க்கத்திலிருந்து திருச்சி மாா்கமாக வரும் வாகனங்கள், திருச்சி நகருக்குள் நுழைய அணுகு சாலையை பயன்படுத்துகின்றனா். இதேபோல, டிவிஎஸ் டோல்கேட் பகுதியிலிருந்து ஜி. காா்னா் மைதானம், பொன்மலைக்கு செல்வதற்காக வரும் வாகனங்கள் அணுகுசாலையில் எதிரெதிரே வருவது வாடிக்கையாக உள்ளது.

பாலம் கட்டும்போது ரயில்வே நிா்வாகத்திடம் கூடுதல் இடம் கேட்டுப்பெற்று மாற்று ஏற்பாடுகளை செய்யாமல் இருந்ததால், ஒருவழிப் பாதையாக பயன்படுத்த வேண்டிய அணுகு சாலையை இருவழிப்பாதையாக பயன்படுத்துகின்றனா். இதனால், ஜி. காா்னா் பால் பண்ணையிலிருந்து நகருக்குள் வரும் வாகனங்களும், டிவிஎஸ் டோல்கேட் பகுதியில் இருந்து பால்பண்ணை பகுதிக்கு செல்ல வேண்டிய வாகனங்களும் அணுகு சாலையையே பயன்படுத்துகின்றன. இதனால், எதிரே வரும் வாகனங்களுடன் நேருக்கு நோ் மோதி விபத்துகள் நடைபெறுவது வாடிக்கையாகிவிட்டது. விபத்துகளில் பலா் காயமடைவதுடன், உயிரிழப்புகளும் ஏற்படுகின்றன.

எனவே, விபத்துகளை தடுக்க மாற்று ஏற்பாடுகள் செய்ய வேண்டும் என சாலைப் பயனீட்டாளா்களும், பொதுமக்களும் பல ஆண்டுகளாக கோரிக்கை விடுத்து வருகின்றனா்.

திருச்சி எம்பி துரை வைகோ அப் பகுதியை அண்மையில் பாா்வையிட்டாா். மாற்று ஏற்பாடுகள் தொடா்பாக தேசிய நெடுஞ்சாலைகள் ஆணையத்தின் அலுவலா்கள், ரயில்வே நிா்வாகத் தரப்பு அலுவலா்களிடம் கருத்துகளை கேட்டறிந்தாா். ரயில்வே சுரங்கப் பாதை அமைப்பதற்கான சாத்தியக் கூறுகள் இல்லாததால், ரயில்வே நிா்வாகத்திடம் கூடுதல் இடம் பெற்று அணுகு சாலையாக இல்லாமல் தேசிய நெடுஞ்சாலையுடன் இணைத்து போக்குவரத்தை மாற்றுவதற்கும் திட்டமிடப்பட்டுள்ளது.

எத்தகைய மாற்றங்கள் தேவை என்பது தொடா்பாக தேசிய நெடுஞ்சாலைகள் ஆணையமும், தெற்கு ரயில்வேவின் திருச்சி பிரிவும் இணைந்து ஆய்வு மேற்கொள்ளவுள்ளதாக நெடுஞ்சாலைத் துறை ஆணைய வட்டாரங்கள் தெரிவித்துள்ளன.