டயா் வெடித்து தனியாா் பேருந்து தீக்கிரை

பெரம்பலூா் அருகே வியாழக்கிழமை அதிகாலை சென்னையிலிருந்து பாபநாசம் நோக்கிச் சென்ற தனியாா் பேருந்தின் டயா் வெடித்து எரிந்து தீக்கிரையானது.

சென்னையிலிருந்து பாபநாசம் நோக்கி தனியாா் பேருந்து ஒன்று 23 பயணிகளுடன் சென்றுகொண்டிருந்தது. இப் பேருந்தை திருநெல்வேலி மாவட்டம், அம்பாசமுத்திரம் திலகா்புரத்தைச் சோ்ந்த செல்வபெருமாள் மகன் அய்வர்ராஜா (30) ஓட்டிவந்தாா். திருநெல்வேலி மாவட்டம், சேரன்மாதேவி பிரதான சாலையைச் சோ்ந்த கருப்புசாமி மகன் பாலசுப்பிரமணியன் (20) நடத்துநராகப் பணிபுரிந்தாா்.

திருச்சி- சென்னை தேசிய நெடுஞ்சாலையில், பெரம்பலூா் மாவட்டம், மங்களமேடு அருகேயுள்ள சின்னாறு பகுதியில் பேருந்து வந்துகொண்டிருந்தது. அப்போது, எதிா்பாராதவிதமாக பேருந்தின் பின்புற டயா் வெடித்ததையடுத்து, ஓட்டுநா் மற்றும் நடத்துநா் பேருந்தை நிறுத்திவிட்டு கீழே இறங்கிப் பாா்த்தபோது, பேருந்தின் பின்புறம் தீப்பற்றி எரியத்தொடங்கியது.

பின்னா், ஓட்டுநரின் அறிவுறுத்தலின்படி பயணிகள் அனைவரும் கீழே இறங்கினா். தகவலின்பேரில், பெரம்பலூா் தீயணைப்புத் துறையினா் நிகழ்விடத்துக்குச் சென்று தீயை கட்டுக்குள் கொண்டுவந்தனா். இருப்பினும், பேருந்து முழுவதும் எரிந்து நாசமானது.

புகாரின்பேரில், மங்களமேடு போலீஸாா் வழக்குப் பதிந்து விசாரிக்கின்றனா்.