காற்று மாசை தடுக்க 3 வாரங்களில் செயல் திட்டம்: உச்சநீதிமன்றம்
தமிழக அரசின் 2025-ஆம் ஆண்டில் டாக்டா் ராதாகிருஷ்ணன் விருதுபெற்ற ஆசிரியா்களுக்கு பாராட்டு விழா ராசிபுரம் ரோட்டரி சங்கம் சாா்பில் அண்மையில் நடைபெற்றது.
விழாவுக்கு, ராசிபுரம் ரோட்டரி சங்கத் தலைவா் இ.என்.சுரேந்திரன் தலைமை வகித்தாா். செயலா் மஸ்தான் அனைவரையும் வரவேற்றாா். விழாவில், விருதுபெற்ற நாமக்கல் மாவட்டத்தைச் சோ்ந்த 9 ஆசிரியா்கள் கெளரவிக்கப்பட்டனா்
நாமக்கல் ஆசிரியா் பயிற்சி நிறுவன முதல்வா் டாக்டா் எம்.செல்வம், முன்னாள் மாவட்டக் கல்வி அலுவலா் மு.ஆ.உதயகுமாா், ரோட்டரி திட்டத் தலைவா் கே.எஸ்.கருணாகர பன்னீா்செல்வம் ஆகியோா் விருதுபெற்ற ஆசிரியா்களை பாராட்டி நினைவுப் பரிசு அளித்தனா்.
விருதுபெற்ற ஆசிரியா்கள் சாா்பில் பூசாரிபாளையம் ஊராட்சி ஒன்றிய நடுநிலைப் பள்ளி கணித பட்டதாரி ஆசிரியா் மணிகண்டன் பேசினாா். நாமக்கல் ஆசிரியா் பயிற்சி நிறுவன விரிவுரையாளா்கள் இ.சிவபெருமான், டி.சுமதி, ஜி.பானுமதி, ராசிபுரம் பாரதிதாசன் சாலை நகராட்சி நடுநிலைப் பள்ளி தலைமையாசிரியா் கு.பாரதி, கொல்லிமலை நத்துக்குழிப்பட்டி அறிவியல் ஆசிரியா் சந்திரசேகா் ஆகியோருக்கு தேசிய கட்டமைப்பு சான்றுகளும், நினைவுப் பரிசுகளும் வழங்கப்பட்டன.
இதேபோல, ராசிபுரம் இன்னா்வீல் கிளப் சாா்பில், வள்ளலாா் கோயில் வளாகத்தில் நடைபெற்ற ஆசிரியா்கள் தின விழாவில் சிறந்த ஆசிரியா்களுக்கு லட்சிய ஆசிரியா் விருது வழங்கப்பட்டது. இன்னா்வீல் சங்கத் தலைவா் சிவலீலாஜோதி தலைமையில் நடைபெற்ற விழாவில், முன்னாள் மாவட்டக் கல்வி அலுவலா் மு.ஆ.உதயகுமாா், திருவள்ளுவா் அரசுக் கல்லூரி பேராசிரியா் ஆா்.சிவகுமாா், சுத்த சன்மாா்க்க சங்கத் தலைவா் க.மா.நடேசன், பள்ளிகளின் துணை ஆய்வாளா் கை.பெரியசாமி, ராசிபுரம் தமிழ்ச் சங்கத் தலைவா் பி.தட்சணாமூா்த்தி உள்ளிட்டோா் பங்கேற்றனா்.
