பழனியில் தங்கச் சங்கிலி பறிப்பில் ஈடுபட்ட மதுரையைச் சோ்ந்த இளைஞரை போலீஸாா் கைது செய்தனா்.
தப்பி ஓட முயன்ற இவரை போலீஸாா் பிடிக்க முயன்ற போது தவறி விழுந்து காலில் எலும்பு முறிவு ஏற்பட்டு அவருக்கு மாவுக் கட்டுப் போடப்பட்டது.
பழனி சிவகிரிப்பட்டி அருகே வெள்ளிக்கிழமை இரவு காவல் ஆய்வாளா் மணிமாறன், சாா்பு ஆய்வாளா் விஜய் உள்ளிட்ட போலீஸாா் வாகனத் தணிக்கையில் ஈடுபட்டனா். அப்போது இரு சக்கர வாகனத்தில் வந்த ஒருவரை நிறுத்த முயன்ற போது அவா் நிற்காமல் சென்று தவறி கீழே விழுந்து காலில் எலும்பு முறிவு ஏற்பட்டது.
இதையடுத்து பழனி நகா் போலீஸாா் அவரை பழனி அரசு மருத்துவமனையில் அனுமதித்தனா். அங்கு அவருக்கு காலில் மாவுக்கட்டுப் போடப்பட்டது. விசாரணையில், அவா் மதுரை பைக்காரா முத்துராமலிங்கபுரத்தைச் சோ்ந்த அண்ணாத்துரை மகன் கவாஸ்கா் (38) என்பதும், கடந்த சில நாள்களுக்கு முன்பு பழனியில் தங்கச் சங்கிலி பறிப்பில் ஈடுபட்டவா் என்பதும் தெரியவந்தது.
இதையடுத்து போலீஸாா் அவா் மீது வழக்குப் பதிந்து கைது செய்தனா். மேலும், இவா் இதற்கு முன்பு எங்கெங்கு தங்கச் சங்கிலி பறிப்பில் ஈடுபட்டாா் என்பது குறித்து போலீஸாா் தொடா்ந்து விசாரிக்கின்றனா்.
