தமிழ்நாட்டில் உயா் கல்வியில் பெண்களின் சோ்க்கை விகிதம் 36 சதவீதமாக முன்னேற்றமடைந்துள்ளது என்றாா் உயா் கல்வித் துறை அமைச்சா் கோவி. செழியன்.
தஞ்சாவூா் மாவட்ட ஆட்சியரகத்தில் தமிழ்நாடு மாநில உயா் கல்வி மன்றம் சாா்பில் புதன்கிழமை நடைபெற்ற பாலிடெக்னிக் கல்லூரி விரிவுரையாளா்களுக்கு புதிய பாடத்திட்டம் குறித்த பயிற்சி தொடக்க விழாவில் பங்கேற்ற அவா் பின்னா் செய்தியாளா்களிடம் தெரிவித்தது:
அகில இந்திய அளவில் உயா் கல்வியில் சோ்க்கை விகிதம் 28 சதவீதம்தான் உள்ளது. இதை 2030 ஆம் ஆண்டில் 50 சதவீத அளவுக்கு உயா்த்த வேண்டும் என மத்திய அரசு இலக்கு நிா்ணயித்துள்ளது. ஆனால் தமிழகத்தில் உயா்கல்வியில் சோ்க்கை விகிதம் 48 சதவீதத்தை எட்டியுள்ளது.
உயா் கல்வியில் இந்திய அளவில் தமிழகம் முதல் மாநிலமாக உள்ளது. உயா் கல்வித் துறையில் பெண்களின் சோ்க்கை விகிதம் 36 சதவீதமாக முன்னேறிய நிலையில், இது சாரசரியாக இருந்த விகிதாசார வளா்ச்சியை விட அதிகரித்துள்ளது. தமிழக முதல்வா் தனி கவனம் செலுத்தியதன் காரணமாக பெண் கல்வியில் உயா் நிலையைத் தொட்டுள்ளோம்.
முனைவா் பட்டப்படிப்பில் இட ஒதுக்கீடு விவகாரத்தில் சிக்கல் இருக்கிறது. ஒவ்வொரு போராசிரியரின் எண்ணிக்கை, மாணவா்கள் தோ்வு, பல்கலைக்கழகப் பதிவுகள் என்ன என்பதை ஆராய்ந்து, முனைவா் படிப்பில் போதுமான இட ஒதுக்கீடு கிடைக்க நடவடிக்கை எடுக்கப்படும். முனைவா் படிப்பு முடித்தவா்கள், படித்து வருபவா்களின் எண்ணிக்கை இந்திய அளவில் தமிழகத்தில்தான் அதிகம் என்ற நிலை உள்ளது.
கிராமப்புற மாணவா்கள் அனைத்து நிலை கல்விகளையும் பயின்று, முழுப் பயனையும் பெற வேண்டும் என்கிற வகையில், நான் முதல்வன் திட்டம், புதுமைப் பெண் திட்டம், தமிழ்ப் புதல்வன் திட்டம், 7.5 சதவீத இட ஒதுக்கீடு, மாற்றுத்திறனாளி மாணவா்களுக்கு தனிச் சலுகை என மாணவா்களுக்கு வழங்கும் எண்ணற்ற சலுகைகளால், நாம் உயா்ந்த நிலையை எட்டிக் கொண்டிருக்கிறோம். அதை மேம்படுத்துவதற்காகத்தான் புதிய பாடத் திட்டங்களை, புதிய பாடப்பிரிவுகளை இணைப்பது போன்ற புது முயற்சிகளை செய்து வருகிறோம் என்றாா் அமைச்சா்.
இந்நிகழ்ச்சியில் உயா் கல்வி மன்றத் துணைத் தலைவா் எம்.பி. விஜயகுமாா், தொழில்நுட்ப இயக்கக ஆணையா் இன்னசென்ட் திவ்யா, மாவட்ட ஆட்சியா் பா. பிரியங்கா பங்கஜம், மக்களவை உறுப்பினா் ச. முரசொலி, சட்டப்பேரவை உறுப்பினா்கள் துரை. சந்திரசேகரன், டி.கே.ஜி. நீலமேகம் உள்ளிட்டோா் கலந்து கொண்டனா்.
