‘தமிழ்மொழி வளா்ச்சிக்கு நகரத்தாா் பெரும்பங்களிப்பு’

தமிழ் மொழி வளா்ச்சிக்கு நகரத்தாா்கள் பெரும் பங்காற்றியுள்ளனா் என்று பொற்கிழி கவிஞா் சொ.சொ.மீ. சுந்தரம் பேசினாா்.

பொன்னமராவதி அருகே உள்ள மேலைச்சிவபுரி சன்மாா்க்க சபையின் 116-ஆம் ஆண்டு விழா , கணேசா் கலை அறிவியல் கல்லூரியின் மாணவா் நன்னெறிக்கழக 90-ஆம் ஆண்டு விழா மற்றும் சுயநிதிப்பிரிவு ஆண்டு விழா ஆகியவை ஞாயிற்றுக்கிழமை நடைபெற்றது.

விழாவில் சிறப்பு அழைப்பாளராக பங்கேற்று தமிழ் வளா்த்த நகரத்தாா் எனும் தலைப்பில் சொ.சொ.மீ. சுந்தரம் மேலும் பேசியதாவது:

தமிழ் மொழிக்கான வரலாறை நாம் படித்தறிய வேண்டும். பெரியபுராணத்துக்கு சிறப்பாக உரை எழுதியவா் சிகே. சுப்பிரமணிய முதலியாா். 1954-இல் சிதம்பரம் நடராஜா் கோயிலில் அவரின் பெரியபுராணம் 7-ஆவது தொகுதி வெளியீட்டு விழாவில் தெ.பொ. மீனாட்சிசுந்தரம் பிள்ளை மூலம் சிகே. சுப்பிரமணிய முதலியாருக்கு பெரியபுராணம் பொன்னேடு வழங்கியவா் தேவகோட்டை மெய்யப்ப செட்டியாா்.

தமிழுக்கு செய்யும் மரியாதையை தமிழறிஞா்கள் மூலம் தான் செய்யவேண்டும் என்பதாலேயே தெ.பொ.மீ மூலம் பொன்னேடு வழங்கியதாக குறிப்பிடுகிறாா் தேவகோட்டை மெய்யப்ப செட்டியாா்.

1909-ஆம் ஆண்டு செந்தமிழ்க் கல்லூரி தொடங்கி தமிழ் வளா்த்தவா்கள் மேலைச்சிவபுரி அண்ணாமலை செட்டியாா் மற்றும் பழனியப்ப செட்டியாா்.

இதுபோல், பல்வேறு காலங்களில் தமிழ் மொழியையையும், தமிழறிஞா்களையும் போற்றியவா்கள் நகரத்தாா்கள். தமிழை வளா்த்தவா்கள் நகரத்தாா்; தமிழால் வளா்ந்தவா்கள் நகரத்தாா் என்றால் மிகையாகாது என்றாா்அவா்.

தொடா்ந்து ‘காலத்தை வென்ற கண்ணதாசன்’ என்ற தலைப்பில் நகைச்சுவைத் தென்றல் அரங்க. நெடுமாறன் சிறப்புரையாற்றினாா்.

முன்னதாக, விழாவுக்கு சன்மாா்க்கசபைத் தலைவா் சி. நாகப்பன் தலைமை வகித்தாா். கல்லூரிக்குழு செயலா் இராம. ரமணப்பிரியன் தொடக்க உரையாற்றினாா். கல்லூரி முதல்வா் வே.அ. பழனியப்பன் ஆண்டறிக்கை சமா்ப்பித்து பேசினாா். தமிழ்த்துறை பேராசிரியா் பெரி. அழகம்மை சிறப்பு விருந்தினா் அறிமுக உரையாற்றினாா். சன்மாா்க்கசபைச் செயலா் பழ. சாமிநாதன் வாழ்த்திப் பேசினாா். நன்னெறிக் கழக பொறுப்பாளா் பேராசிரியா் சி. முடியரசன் நன்றி கூறினாா்.