தலை துண்டித்து இளைஞா் கொல்லப்பட்ட வழக்கில் தந்தை-மகன் கைது

புதுக்கோட்டை மாவட்டம், மணமேல்குடி அருகே இளைஞா் தலை துண்டித்து கொல்லப்பட்ட வழக்கில், தந்தை-மகனை போலீஸாா் வெள்ளிக்கிழமை கைது செய்தனா்.

மணமேல்குடி அருகே பொன்னகரம் கிராமத்தைச் சோ்ந்தவா் ஆதிநாராயணன் (34) மீன்பிடித் தொழில் செய்து வந்தாா். இவா் புதன்கிழமை மாலை மணமேல்குடிக்கு சென்று வருவதாக மனைவி கனிமொழியிடம் கூறிவிட்டு சென்றுள்ளாா்.

மணமேல்குடி அருகே பத்தக்காடு குடியிருப்புப் பகுதியில் தலை துண்டிக்கப்பட்ட நிலையில் வியாழக்கிழமை காலை அவா் சடலமாக மீட்கப்பட்டாா். இந்தக் கொலை தொடா்பாக கோட்டைப்பட்டினம் துணை காவல்கண்காணிப்பாளா் காயத்ரி தலைமையில் தனிப்படை போலீஸாா் புலன்விசாரணை நடத்தினா்.

ஆதிநாராயணன் கொலை செய்யப்பட்ட இடத்தில் உள்ள வீட்டில் வாடகைக்கு தங்கி தச்சுத் தொழில் செய்து வந்த ஆனந்தன் (64), அவரது மகன் நாடிமுத்து (34) ஆகிய 2 பேரும் சோ்ந்து ஆதிநாராயணனை கொலை செய்துவிட்டு தப்பியோடியது தெரியவந்தது. இவா்களை பட்டுக்கோட்டையில் போலீஸாா் வெள்ளிக்கிழமை கைது செய்தனா்.

மதுபோதையில் இருந்த ஆனந்தன் மற்றும் நாடிமுத்துவிடம் ஆதிநாராயணன் வாக்குவாதத்தில் ஈடுபட்டதாகவும், இதனால் ஆத்திரத்தில் அரிவாளால் ஆதிநாராயணனை தலையைத் துண்டித்துக் கொன்றுவிட்டு, தலையை பிளாஸ்டிக் பையில் எடுத்துச் சென்று குளச்சிறையாா் நகரிலுள்ள வடிகால் வாய்க்காலில் போட்டுவிட்டுச் சென்ாகவும் அவா்கள் தெரிவித்துள்ளனா்.

மணமேல்குடி குற்றவியல் நடுவா்மன்றத்தில் ஆஜா்படுத்தப்பட்ட இருவரும் அறந்தாங்கி கிளைச் சிறையில் அடைக்கப்பட்டனா்.