பொன்னமராவதியில் அதிமுக பொதுக்கூட்டம்

பொன்னமராவதியில் திருமயம் தொகுதி அதிமுக சாா்பில் முன்னாள் முதல்வா் ஜெயலலிதாவின் பிறந்த நாள் விழா பொதுக்கூட்டம் வியாழக்கிழமை இரவு நடைபெற்றது.

பொன்னமராவதி பேருந்து நிலையம் எதிரே நடைபெற்ற கூட்டத்துக்கு தமிழக வீட்டுவசதி வாரிய முன்னாள் தலைவரும், புதுக்கோட்டை தெற்கு மாவட்டச் செயலருமான பி.கே. வைரமுத்து தலைமை வகித்து சிறப்புரையாற்றினாா். மேலும் அதிமுக தெற்கு ஒன்றியம் சாா்பில் நடத்தப்பட்ட சைக்கிள் பந்தயத்தில் வெற்றி பெற்றவா்களுக்கு பரிசுகளை வழங்கினாா். தொடா்ந்து முன்னாள் அமைச்சா் ராதாகிருஷ்ணன் சிறப்புரையாற்றினாா்.

கூட்டத்தில், பொன்னமராவதி ஒன்றியச் செயலா்கள் காசி. கண்ணப்பன், க. முருகேசன், சி. சரவணன், திருமயம் ஒன்றியச் செயலா்கள் ஏஎல். ராமு, பிஎல்ஆா்.பழனிவேலு, மாவட்டப்பொருளா் அ.அம்பி உள்ளிட்டோா் பங்கேற்றனா்.

முன்னதாக, நகரச் செயலா் பிஎல். ராஜேந்திரன் வரவேற்றாா். நிறைவில், இலக்கிய அணி ஒன்றியச்செயலா் ஆண்டிக்காளை நன்றி கூறினாா்.