விழுப்புரம் மாவட்டம், விக்கிரவாண்டியில் கஞ்சா விற்பனையில் ஈடுபட்டவரை பிடிக்க சென்ற தலைமைக் காவலா் மயங்கி விழுந்து ஞாயிற்றுக்கிழமை உயிரிழந்தாா்.
விழுப்புரம் வட்டம், வளவனூா், பாலாஜி நகா், மேற்கு பாண்டி சாலையைச் சோ்ந்தவா் சந்திரன் மகன் சீனிவாசன் (40). விக்கிரவாண்டி காவல் நிலையத்தில் தலைமைக் காவலராகப் பணிபுரிந்து வந்த இவா், ஞாயிற்றுக்கிழமை அதிகாலை உடன் பணிபுரியும் காவலா் மஞ்சுநாதனுடன் ரோந்துப் பணியில் ஈடுபட்டிருந்தாா்.
அப்போது, தொரவி, வள்ளலாா் மடம் பகுதியில் சந்தேகம்படும்படி நின்று கொண்டிருந்த 3 பேரை பிடிக்க முயன்றபோது, ஒருவா் தப்பிச் சென்றாராம். மற்ற இருவரிடம் விசாரித்ததில், அவா்கள் விக்கிரவாண்டி, பெரிய காலனி பகுதியைச் சோ்ந்த குமரேசன் மகன் கோகுல் (23), கிருஷ்ணன் மகன் அய்யப்பன் (21) என்பதும், இவா்கள் கஞ்சா விற்பனையில் ஈடுபட்டதும் தெரியவந்தது.
இதையடுத்து, தலைமைக் காவலா் சீனிவாசன் தப்பிச்சென்ற, விக்கிரவாண்டிபெரிய காலனி, மாரியம்மன் கோவில் தெருவைச் சோ்ந்த சிவராமன் மகன் கலாநிதிமாறனை (23), பிடிக்க தொரவி அடுத்த கயத்தூா் பகுதிக்கு சென்றபோது, திடீரென நெஞ்சு வலி ஏற்பட்டு மயங்கி விழுந்தாா். உடனே, சக காவலா்கள் அவரை மீட்டு விழுப்புரம் அரசு மருத்துவமைனைக்கு கொண்டு சென்று பரிசோதித்ததில், அவா் உயிரிழந்தது தெரியவந்தது.
இதுகுறித்து விக்கிரவாண்டி போலீஸாா் ஞாயிற்றுக்கிழமை வழக்குப் பதிந்து விசாரிக்கின்றனா்.
உயிரிழந்த சீனிவாசனுக்கு மகேஸ்வரி என்ற மனைவியும், கிரிஷ்னிகா (8) என்ற மகளும், கிருத்தி (6) என்ற மகனும் உள்ளனா்.
