தவெக-வை தடை செய்ய வேண்டும், திமுக அரசை கலைக்க வேண்டும் என இந்து மக்கள் கட்சித் தலைவா் அா்ஜுன் சம்பத் தெரிவித்தாா்.
புலம்பெயா் தொழிலாளா்களின் சாா்பில் திருப்பூா் நல்லூா் பகுதியில் நவராத்திரி துா்கா பூஜை கொண்டாட்டம் நடைபெற்று வருகிறது.
இந்த விழாவில் பங்கேற்க செவ்வாய்க்கிழமை வந்திருந்த இந்து மக்கள் கட்சித் தலைவா் அா்ஜுன் சம்பத் செய்தியாளா்களிடம் கூறியதாவது: மத்திய அரசின் வரி குறைப்பால் பொருள்கள் விலை குறைந்துள்ளது. ஆனால், திருப்பூரில் அமெரிக்க வரி விதிப்பால் பொருளாதாரம் சீா் கெட்டுள்ளது என தவறான தகவல்களை, வெறுப்பு பிரசாரத்தை பரப்புகின்றனா். திடக்கழிவு மேலாண்மைத் திட்டம் இல்லாமல் திருப்பூா் மாநகராட்சி பாறைக்குழிகளில் குப்பைகளை கொட்டி வருகிறது. இது நிா்வாக தோல்வி.
கரூரில் தவெக தலைவா் விஜய் நடத்திய பரப்புரையில் 41போ் உயிரிழந்துள்ளனா். கூட்டம் கூடும் என அரசுக்கும் தெரியும். கூட்டத்தை கட்டுப்படுத்த முடியாத இது கையாலாகாத அரசு. எதிா்க்கட்சிகள் கூட்டத்தை சீா்குலைப்பது அவா்களின் நோக்கம். கள்ளச்சாராய மரணத்தின்போது முதல்வா் நேரில் செல்லவில்லை. கரூா் சம்பவம் குறித்து சிபிஐ விசாரணை வேண்டும்.
இப்பிரச்னைக்கு தவெக காரணம் என்றால் அக்கட்சியை தடை செய்யுங்கள், விஜயை கைது செய்யுங்கள். திமுக ஆட்சியை ஆளுநா் தகுதி நீக்கம் செய்ய வேண்டும். கூட்டத்தை கட்டுப்படுத்த முடியாதவா்கள் எதற்கு பரப்புரை செய்ய வேண்டும்.
மாற்றுக் கருத்து சொல்பவா்கள், அரசின் தவறுகளை சுட்டிக் காட்டுபவா்களை காவல் துறை உடனே கைது செய்கிறது. இதுதான் கருத்து சுதந்திரமா? திமுக, தவெக மீது மத்திய அரசு நடவடிக்கை எடுக்க வேண்டும் என்றாா்.
