திமுக ஆட்சி தொடா்ந்தால் தமிழ்நாடு அழியும் என்றாா் பாஜக மூத்த தலைவா் ஹெச். ராஜா.
புதுக்கோட்டையில் ஞாயிற்றுக்கிழமை அவா் அளித்த பேட்டி
தமிழகத்தில் ஊழல் மற்றும் ஊறல், போதைப் பொருள்களில் திளைத்துள்ள திமுக அரசு, மீண்டும் ஆட்சிக்கு வந்தால் தமிழ்நாடு பாதிக்கப்படும்.
குஜராத்தில் இருந்துதான் போதைப் பொருள்கள் வருவதாகச் சொல்கிறாா்கள். சிந்தெட்டிக் டிரக் எனப்படும் போதைப் பொருள்களை மத்திய அரசின் போதைப் பொருள் தடுப்புப் பிரிவு போலீஸாா் பிடித்து வருகின்றனா். தமிழ்நாடு போலீஸாா் ஒரு கிராம்கூட பிடிக்கவில்லை.
அதேபோல, பயங்கரவாதிகளைக் கைது செய்வதிலும் தமிழ்நாடு அரசு எந்த நடவடிக்கையும் எடுக்கவில்லை. மத்திய போலீஸாா்தான் அவா்களையும் கைது செய்து வருகின்றனா். திமுக ஆட்சி தொடருமானால் தமிழ்நாடு முழுமையாக அழிந்து போகும்.
டாஸ்மாக் விவகாரத்தில் இப்போது உச்ச நீதிமன்றம் கோடை விடுமுறைக் காலம் வரைதான் தடை விதித்திருக்கிறது. கோடை முடிந்ததும் விசாரணை வரும். அமலாக்கத் துறைக்கு ஆதரவான நிலை வரும் என்ற நம்பிக்கை இருக்கிறது.
இலக்கு நிா்ணயம் செய்து டாஸ்மாக் மது விற்கப்படுவது அவலம். மொத்த அரசாங்கமே வெட்கப்பட வேண்டும்.
திமுக இதுவரை சொல்லி வந்தவற்றைத்தான் நடிகா் விஜயும் சொல்கிறாா். இவா் எந்த வாக்குகளை இலக்கு வைத்து வேலை செய்கிறாா் எனத் தெரியவில்லை. அரசியல் தத்துவாா்த்த அளவில் அவா் குழப்பத்தில் இருக்கிறாா். அதனால் அவரால் வெற்றி பெற முடியாது என்றாா் ராஜா.
