முஸதபாபாத் சம்பவத்தில் உயிரிழந்த, காயமடைந்தவா்களின் குடும்பங்களுக்கு அரசு இழப்பீ...
திமுகவை ஆட்சியிலிருந்து அகற்றுவதே பாஜகவின் நோக்கம்: நயினாா் நாகேந்திரன்
Admin
- 5 hours ago
திமுகவை ஆட்சியிலிருந்து அகற்றி எடப்பாடி பழனிசாமி தலைமையில் தேசிய ஜனநாயகக் கூட்டணி ஆட்சி அமைப்பதே பாஜகவினரின் நோக்கமாக இருக்க வேண்டும் என அந்தக் கட்சியின் மாநிலத் தலைவா் நயினாா் நாகேந்திரன் தெரிவித்தாா்.
தமிழக பாஜக தலைவராக பொறுப்பேற்றுள்ள நயினாா் நாகேந்திரன், திண்டுக்கல், தேனி, மதுரை மாவட்ட பாஜக நிா்வாகிகள், தொண்டா்களுடனான அறிமுகக் கூட்டம் திண்டுக்கல்லில் ஞாயிற்றுக்கிழமை நடைபெற்றது. பாஜக மூத்த நிா்வாகிகள் ராம.சீனிவாசன், ஹெச்.ராஜா ஆகியோா் முன்னிலையில் நடைபெற்ற இந்தக் கூட்டத்தில் மாநிலத் தலைவா் நயினாா் நாகேந்திரன் பேசியதாவது:
தமிழகத்தில் இரட்டை இலை, தாமரை உறுதியான, இறுதியான கூட்டணி அமைத்திருக்கிறது. திமுகவை ஆட்சியிலிருந்து அகற்ற வேண்டும் என்பதே நமது நோக்கம். தேசிய ஜனநாயகக் கூட்டணியில் எந்ததெந்தக் கட்சிகள் இடம் பெறும் என்பதை மத்திய உள்துறை அமைச்சா் அமித் ஷாவும், அதிமுக பொதுச் செயலா் எடப்பாடி பழனிசாமியும் முடிவு செய்வாா்கள். எடப்பாடி பழனிசாமி தலைமையில் தேசிய ஜனநாயகக் கூட்டணி ஆட்சி தமிழகத்தில் அமையும்.
எனக்கு வரவேற்பு தெரிவிக்க ‘தென் பாண்டி சிங்கம்’ போன்ற வாசகங்களை பயன்படுத்த வேண்டாம். நான் பாஜகவின் தொண்டா்களுள் ஒருவன். இணையதளத்தில் நாகரிகமாகவும், கவனமாகவும் தொண்டா்கள் கருத்துகளைப் பதிவிட வேண்டும். தொண்டா்கள் எந்தப் பதவிகள் மீதும் எதிா்பாா்ப்பு இல்லாமல், தமிழக நலன், தேசிய நலன் சாா்ந்து பணியாற்றிக் கொண்டிருக்கின்றனா். ஆன்மிக நாடான இந்தியாவில் வேதங்கள் முழங்க வேண்டும். அப்போதுதான், மழை வளம் பெற்று, நாடு செழிப்படையும்.
எந்த ஷா வந்தாலும் தமிழகத்தில் எதையும் மாற்ற முடியாது என முதல்வா் மு.க. ஸ்டாலின் தெரிவித்திருக்கிறாா். அமித் ஷா சென்ற மாநிலங்களில் எல்லாம் பாஜக ஆட்சிப் பொறுப்புக்கு வந்திருக்கிறது என்பதை வரும் தமிழக சட்டப்பேரவைத் தோ்தலில் நாம் உறுதிப்படுத்த வேண்டும் என்றாா் அவா்.
முன்னதாக, திண்டுக்கல் மேட்டுப்பட்டியிலுள்ள புனித வியாகுல அன்னை தேவாலயத்துக்குச் சென்ற நயினாா் நாகேந்திரனுக்கு பங்குத் தந்தை செல்வராஜ் வரவேற்பு அளித்தாா். 334-ஆவது ஆண்டு பாஸ்கு திருவிழா நடைபெறும் இந்த தேவாலயத்தில், பிராா்த்தனை பீடத்தின் முன் தீா்த்தம் தெளித்து, நயினாா் நாகேந்திரனுக்கு ஆசி வழங்கப்பட்டது. பின்னா், மேட்டுப்பட்டி காளியம்மன் கோயிலுக்குச் சென்று நயினாா் நாகேந்திரன் சுவாமி தரிசனம் செய்தாா்.
