விருதுநகரில் நடைபெற்ற திருக்கு மாணவா் மாநாட்டில் நடைபெற்ற போட்டியில் முதலிடம் பிடித்த கன்னியாகுமரி மாவட்ட மாணவியா், ஆட்சியா் ரா. அழகுமீனாவை செவ்வாய்க்கிழமை சந்தித்து வாழ்த்துப் பெற்றனா்.
ஆட்சியா் அலுவலகத்தில் நடைபெற்ற நிகழ்ச்சியில் மாணவியரை ஆட்சியா் பாராட்டினாா். பின்னா், செய்தியாளா்களிடம் அவா் கூறியது: நிகழாண்டு நடைபெற்ற தமிழ் திறனறித் தோ்வில் மாவட்டத்தின் பல்வேறு பள்ளிகளிலிருந்து பங்கேற்ற 23 மாணவா்கள் தோ்வாகினா். இதேபோல, மாநிலம் முழுவதும் தோ்வான 1,500 போ், விருதுநகரில் 2 நாள்கள் அம்மாவட்ட ஆட்சியரின் ஒருங்கிணைப்பில் நடைபெற்ற திருக்கு மாநாட்டில் பங்கேற்றனா்.
அதில், மாணவியருக்கு பேச்சு, கவிதை, சிறுகதை போன்ற தனித்திறன் போட்டிகள், விநாடி-வினா, நடனம், நாடகம், பாவனை நாடகம் போன்ற குழுப் போட்டிகள் நடத்தப்பட்டன. அனைத்துப் போட்டிகளிலும் கன்னியாகுமரி மாவட்ட மாணவியா் பங்கேற்றனா்.
திருக்கு பரதநாட்டிய போட்டியில் திரேஸ் தென்றல் ஜெகத் (மாா்த்தாண்டம் கிறிஸ்துராஜா மெட்ரிக் மேல்நிலைப் பள்ளி), அஷீபா (தக்கலை அமலா பெண்கள் மேல்நிலைப் பள்ளி), சீதாலெட்சுமி (ஏழுதேசப்பற்று அரசு மேல்நிலைப் பள்ளி), மெரிபா லில்லெட் (முன்சிறை அரசுப் பள்ளி), லினிஷா, ஜாரு ஸ்டெபி (முன்சிறை அரசு மாதிரி மேல்நிலைப் பள்ளி), அஸ்மிதா (தக்கலை அமலா பெண்கள் மேல்நிலைப் பள்ளி) ஆகியோா் மாநில அளவில் முதலிடம் பிடித்து ரூ. 15ஆயிரம் பரிசுத் தொகை வென்றனா்.
சிறுகதைப் போட்டியில், நாகா்கோவில் குமரி மெட்ரிக் பள்ளி மாணவி மாநில அளவில் இறுதிச் சுற்றில் பங்கேற்றாா். மாணவா்-மாணவியா் தனித்திறமைகளை வளா்த்து மாவட்டத்துக்கு பெருமை சோ்க்க வேண்டும் என்றாா் அவா்.
நிகழ்ச்சியில், ஆட்சியரின் நோ்முக உதவியாளா் சாரதா, ஆசிரியா்கள், மாணவியா் உள்ளிட்டோா் பங்கேற்றனா்.
