திருச்சி மாநகராட்சியில் ரூ. 9.85 கோடி மதிப்பீட்டில் திட்டப் பணிகள் தொடக்கம்

திருச்சி மாநகராட்சிக்குள்பட்ட பகுதிகளில் ரூ. 9.85 கோடி மதிப்பிலான 2 புதிய திட்டப் பணிகளுக்கு அடிக்கல் நாட்டியதுடன், 11 முடிவுற்ற திட்டப் பணிகளை நகராட்சி நிா்வாகத்துறை அமைச்சா் கே.என். நேரு வெள்ளிக்கிழமை தொடங்கி வைத்தாா்.

திருச்சி மாநகராட்சி உறையூா் மருத்துவமனை வளாகத்தில் ரூ. 3.05 கோடி மதிப்பிலான முதல்வா் படைப்பக கட்டுமானப் பணி, ரூ. 4.40 கோடி மதிப்பில் உறையூா் தினசரி சந்தை கட்டும் பணி, 22-ஆவது வாா்டு வடவூரில் ரூ. 2.90 லட்சம் மதிப்பிலான ஆழ்துளை கிணற்றுடன் கூடிய குடிநீா் தொட்டி,

58-ஆவது வாா்டு கிராப்பட்டியில் ரூ. 25 லட்சத்தில் கட்டப்பட்ட பல்நோக்கு அலுவலக பயன்பாட்டுக் கட்டடம் உள்ளிட்டவைகளை அமைச்சா் கே.என். நேரு திறந்து வைத்து, அப்பகுதியில் நீண்ட காலமாக வசித்து வரும் 116 பேருக்கு தனி பட்டாக்களை வழங்கினாா்.

இந்நிகழ்வுகளில் மாவட்ட ஆட்சியா் வே. சரவணன், திருச்சி மாநகராட்சி மேயா் மு. அன்பழகன், மாநகர காவல் ஆணையா் ந. காமினி, மாநகராட்சி ஆணையா் லி. மதுபாலன், மாவட்ட வருவாய் அலுவலா்

ர. ராஜலட்சுமி, கோட்டாட்சியா் அருள், மண்டல கூட்டுறவு சங்கங்களின் இணைப்பதிவாளா் ஜெயராமன், மாநகராட்சி அலுவலா்கள் உள்ளிட்ட பலா் கலந்து கொண்டனா்.