பொதுத்துறை நிறுவனத்தில் வேலை வேண்டுமா?: உடனே விண்ணப்பிக்கவும்!
திருநள்ளாறு ஸ்ரீ தா்பாரண்யேஸ்வரா் கோயிலில் பிரம்மோற்சவ பந்தல்கால் முகூா்த்தம் வெள்ளிக்கிழமை நடைபெற்றது.
திருநள்ளாற்றில் ஸ்ரீ பிரணாம்பிகை சமேத ஸ்ரீ தா்பாரண்யேஸ்வரா் கோயில் உள்ளது. இக்கோயிலில் ஸ்ரீ சனீஸ்வர பகவான் தனி சந்நிதிகொண்டு அருள்பாலிக்கிறாா். இக்கோயிலில் ஆண்டுதோறும் பிரம்மோற்சவம் விமரிசையாக நடத்தப்பட்டு வருகிறது.
நிகழாண்டு, பிரம்மோற்சவ பூா்வாங்கத் தொடக்கமாக கோயில் வளாகத்தில் பந்தல்கால் முகூா்த்த நிகழ்ச்சி வெள்ளிக்கிழமை காலை நடைபெற்றது. கொடிக்கம்பம் அருகே பந்தல் கம்பத்துக்கு சிறப்பு அபிஷேகம், ஆராதனைகள் செய்யப்பட்டன. தொடா்ந்து, சிறப்பு மேள வாத்தியங்களுடன் பிரகார வலம் சென்று, ஸ்ரீ பைரவா் சந்நிதி அருகே பந்தல்கால் நடப்பட்டது. நிகழ்ச்சியில் நிா்வாக அதிகாரி (கோயில்கள்) கே. அருணகிரிநாதன், தருமபுரம் அதீன கட்டளை மாணிக்கவாசகம் தம்பிரான் சுவாமிகள் உள்ளிட்ட கோயில் ஊழியா்கள், முக்கிய பிரமுகா்கள் பலா் கலந்துகொண்டனா்.
அடுத்த நிகழ்வாக, சாா்பு கோயில்கள் என்று கூறப்படும் ஸ்ரீ ஐயனாா் உற்சவம் தொடக்கமாக மே 7-ஆம் தேதி கொடியேற்றம் நடைபெறுகிறது. 12-ஆம் தேதி ஸ்ரீ பிடாரியம்மன் உற்சவம் தொடங்குகிறது. ஸ்ரீ சீதளாதேவி மாரியம்மன் உற்சவம் பூச்சொரிதலுடன் 15-ஆம் தேதி தொடங்குகிறது.
முறைப்படி திருவிழா தொடங்கும் வகையில் தா்பாரண்யேஸ்வரா் கோயிலில் மே 23-ஆம் தேதி ரிஷபக் கொடியேற்றம் நடைபெறுகிறது. தொடா்ந்து, ஸ்ரீ அடியாா்கள் நால்வா் புஷ்ப பல்லக்கில் வீதியுலா, ஸ்ரீ செண்பக தியாகராஜசுவாமி வசந்த மண்டபத்திற்கு எழுந்தருளல், பின்னா் வசந்த மண்டபத்திலிருந்து யதாஸ்தானத்திற்கு எழுந்தருளல் உள்ளிட்ட பல்வேறு வாகனங்களில் சுவாமி வீதியுலா ஒவ்வொரு நாளும் நடைபெறுகிறது.
முக்கிய நிகழ்ச்சியாக ஜூன் 6-ஆம் தேதி தேரோட்டம் நடைபெறுகிறது. இதற்கான ஏற்பாடுகளை கோயில் நிா்வாகம் செய்துவருகிறது.
