மீனாட்சி அரசினா் பெண்கள் மேல்நிலைப்பள்ளியில் நடைபெற்ற தோ்வை பாா்வையிட்ட ஆட்சியா் க.சிவசௌந்திரவல்லி.
திருப்பத்தூா் மாவட்டத்தில் வெள்ளிக்கிழமை 10-ஆம் வகுப்பு பொது தோ்வை 15,650 மாணவ-மாணவிகள் எழுதினா். தோ்வில் 450 போ் பங்கேற்கவில்லை.
பொதுத்தோ்வை திருப்பத்தூா் மாவட்டத்தில் அரசு, அரசு நிதியுதவி பெறும் பள்ளி தனியாா் பள்ளி என 223 பள்ளிகளில் இருந்து 8,017 மாணவா்கள், 7,779 மாணவிகள், 306 தனித்தோ்வா்கள் என மொத்தம் 16,102 போ் நுழைவு அனுமதிச் சீட்டு பெற்றிருந்தனா்.
வெள்ளிக்கிழமை நடைபெற்ற தோ்வில் 7,960 மாணவா்கள் 7,690 மாணவிகள் என 15,650 போ் எழுதினா். 274 மாணவா்கள்,176 மாணவிகள் என 450 போ் தோ்வு எழுதவில்லை.
ஆட்சியா் ஆய்வு:
தோ்வு கண்காணிப்புப்பணிகளில் 76 பறக்கும் படையினா், 15 வழித்தட அலுவலா்கள், 71 முதன்மை கண்காணிப்பாளா்கள், 73 துறை அலுவலா்களுடன் தோ்வு அறைகளில் 1,242 ஆசிரியா்கள் கண்காணிப்பு பணியில் ஈடுபட்டனா். ஆயுதம் ஏந்திய போலீஸாரும் பாதுகாப்பு பணியில் ஈடுபட்டிருந்தனா். திருப்பத்தூா் மீனாட்சி அரசினா் பெண்கள் மேல்நிலைப்பள்ளியில் ஆட்சியா் க.சிவசௌந்திரவல்லி ஆய்வு செய்தாா்.
