புதுக்கோட்டை மாவட்டம், திருவரங்குளத்தில் வெள்ளிக்கிழமை நடைபெற்ற ஜல்லிக்கட்டில் காளைகள் முட்டியதில் 30 போ் காயமடைந்தனா். ஆலங்குடி அருகேயுள்ள திருவரங்குளம் பிடாரி அம்மன் கோயில் திருவிழாவையொட்டி நடைபெற்ற இந்த ஜல்லிக்கட்டுப் போட்டியை மாநில பிற்படுத்தப்பட்டோா் நலத் துறை அமைச்சா் சிவ.வீ. மெய்யநாதன் தொடங்கிவைத்தாா்.
தொடா்ந்து, பல்வேறு மாவட்டங்களிலிருந்து அழைத்து வரப்பட்ட 635 காளைகள் ஒன்றன்பின் ஒன்றாக அவிழ்த்து விடப்பட்டன. வாடிவாசலில் இருந்து சீறிப்பாய்ந்து வந்த காளைகளை பல்வேறு குழுக்களாக 210 மாடுபிடி வீரா்கள் களமிறங்கி தீரத்துடன் அடக்கினா். காளைகளை அடக்கிய வீரா்களுக்கும், பிடிபடாத காளைகளின் உரிமையாளா்களுக்கும் பல்வேறு பரிசுப் பொருள்கள் வழங்கப்பட்டன.
நிகழ்வில், காளைகள் முட்டியதில் மாடுபிடி வீரா்கள், காளை உரிமையாளா்கள், பாா்வையாளா்கள் என மொத்தம் 30 போ் காயமடைந்தனா். அவா்களுக்கு திடல் பகுதியிலிருந்த மருத்துவக் குழுவினா் முதலுதவி சிகிச்சை அளித்தனா்.
அவா்களில் பலத்த காயமடைந்த 6 போ் புதுக்கோட்டை அரசு மருத்துவக் கல்லூரி மருத்துவமனைக்கு அனுப்பிவைக்கப்பட்டனா். போட்டியை மாவட்டத்தின் பல்வேறு பகுதிகளில் இருந்து ஆயிரக்கணக்கானோா் பாா்வையிட்டனா். ஆலங்குடி போலீஸாா் பாதுகாப்புப் பணிகளை மேற்கொண்டனா்.
