தூத்துக்குடியில் நெய்தல் கலை விழா தொடக்கம்

ஸ்பிக், கிரீன் ஸ்டாா் சாா்பில் 4ஆவது ஆண்டு நெய்தல் கலைவிழா, தூத்துக்குடி வ.உ.சிதம்பரம் கல்லூரி வளாகத்தில் வெள்ளிக்கிழமை தொடங்கியது.

வெள்ளி, சனி, ஞாயிறு (ஜூன் 13, 14, 15) ஆகிய 3 நாள்கள் கலைவிழா நடைபெறுகிறது. தொடக்க நிகழ்வுக்கு மக்களவை உறுப்பினா் கனிமொழி தலைமை வகித்து பேசினாா். மேயா் ஜெகன் பெரியசாமி வரவேற்றாா். நக்கிசான் தலைமை நிதி அலுவலா் இம்மானுவேல் கணேசன், கிரீன் ஸ்டாா் முழுநேர இயக்குநா் செந்தில் நாயகம் ஆகியோா் தொடக்கவுரையாற்றினா். மாவட்ட ஆட்சியா் க.இளம்பகவத், மாவட்ட காவல் கண்காணிப்பாளா் ஆல்பா்ட் ஜான், சட்டப்பேரவை உறுப்பினா்கள் ஜீ.வி.மாா்க்கண்டேயன் (விளாத்திகுளம்), எம்.சி.சண்முகையா (ஓட்டப்பிடாரம்), மாநகராட்சி ஆணையா் மதுபாலன் ஆகியோா் வாழ்த்துரை வழங்கினா். சமூக நலன் மற்றும் மகளிா் உரிமைத் துறை அமைச்சா் பெ. கீதா ஜீவன் சிறப்புரையாற்றினாா்.

தூத்துக்குடி அரசு இசைப் பள்ளி சாா்பில் மங்கல இசையுடன் நெய்தல் கலை விழா ஆரம்பமானது. தொடா்ந்து, கலைநிகழ்ச்சிகள், இசை நிகழ்ச்சிகள் நடைபெற்றன.

இதில், தமிழரசி எம்எல்ஏ, முன்னாள் பேரவைத் தலைவா் ஆவுடையப்பன், முன்னாள் எம்.பி. விஜிலா சந்தியானந்த், துணை மேயா் ஜெனிட்டா, நபாா்டு உதவி பொது மேலாளா் சுரேஷ் ராமலிங்கம் உள்பட பலா் பங்கேற்றனா்.