தூத்துக்குடியில் பெண் தலைமைக் காவலா் தற்கொலை முயற்சி

தூத்துக்குடியில் வியாழக்கிழமை தூக்கிட்டுத் தற்கொலைக்கு முயன்ற பெண் தலைமைக் காவலா் மருத்துவமனையில் அனுமதிக்கப்பட்டாா்.

தூத்துக்குடி அருகேயுள்ள மேலக்கூட்டுடன்காடு பகுதியைச் சோ்ந்த மாரியப்பன் மனைவி சுப்புலட்சுமி. இவா் பேரூரணி காவலா் பயிற்சி பள்ளியில் தலைமைக் காவலராக பணியாற்றி வருகிறாா். இவரது கணவா் மாரியப்பன் சிஆா்பிஎஃப்-இல் பணிபுரிந்து வருகிறாா். தற்போது அவா் விடுமுறையில் ஊருக்கு வந்துள்ளாா். இந்த தம்பதிக்கு 2 மகன்கள் உள்ளனா்.

இந்நிலையில் குடும்பத் தகராறு காரணமாக மனமுடைந்த சுப்புலட்சுமி திடீரென வியாழக்கிழமை தனது வீட்டில் தூக்கிட்டுத் தற்கொலைக்கு முயன்ாக கூறப்படுகிறது.

குடும்பத்தினா் அவரை மீட்டு தூத்துக்குடியில் உள்ள தனியாா் மருத்துவமனையில் அனுமதித்தனா். இதுகுறித்து புதுக்கோட்டை போலீஸாா் விசாரித்து வருகின்றனா்.