தென்காசி மாவட்டத்தில் புதிய வழித்தடங்களில் சிற்றுந்துகள் இயக்க மாா்ச் 5 கடைசி

தென்காசி மாவட்டத்தில் மேலும் புதிதாக கண்டறியப்பட்ட வழித்தடங்களில் சிற்றுந்துகளை இயக்க மாா்ச் 5-க்குள் விண்ணப்பிக்கலாம் என மாவட்ட ஆட்சியா் ஏ.கே.கமல்கிஷோா் தெரிவித்தாா்.

இதுகுறித்து அவா் வெளியிட்ட செய்திக் குறிப்பு:

தென்காசி மாவட்டத்தில் தற்போது புதிதாக கண்டறியப்பட்ட வழித்தடங்களில் சிற்றுந்துகளை இயக்க விண்ணப்பங்கள் மாா்ச் 3 முதல் வரவேற்கப் படுகின்றன.

கடையநல்லூா் ஜலாலியா மஹால் முதல் சுரண்டை வரை, சுரண்டை பேருந்து நிலையம் முதல் வீராணம் ஆரம்ப சுகாதார நிலையம் வரை, பனையூா் முதல் தென்மலை அரசு மேல்நிலைப் பள்ளி வரை, தென்காசி வீட்டுவசதி வாரியம் முதல் கடைய நல்லூா் அரசு மருத்துவமனை வரை, சுரண்டை பேருந்து நிலையம் முதல் நாச்சியாா்புரம் வரை வென்றிலிங்கபுரம் முதல் சோ்ந்தமரம் அரசு மேல்நிலைப் பள்ளி வரை,

தென்காசி புதிய பேருந்து நிலையம் முதல் கடையநல்லூா் ரயில் நிலையம் வரை, ஊத்துமலை முதல் வீரகேரளம்புதூா் வரை, சோ்ந்தமரம் அரசு மருத்துவமனை முதல் ரெங்கநாதபுரம் அம்மன் கோயில் வரை, தென்காசி பழைய பேருந்து நிலையம் முதல் சுரண்டை வரை, சுரண்டை பேருந்து நிலையம் முதல் புதூா் வரை, சங்கரன்கோவில் பேருந்துநிலையம் முதல் ஒப்பனையாள்புரம் வரை உள்ளிட்ட வழித்தடங் களில் சிற்றுந்து இயக்க மாா்ச் 5-க்குள் விண்ணப்பிக்கலாம் என்றாா் அவா்.