தேசிய அளவிலான கால்பந்து போட்டி: கோவை மாவட்ட வழக்குரைஞா் சங்க அணி 3-ஆம் இடம்

கோவா மாநிலத்தில் நடைபெற்ற வழக்குரைஞா்கள் சங்கங்களுக்கு இடையேயான தேசிய அளவிலான கால்பந்து போட்டியில் கோவை மாவட்ட வழக்குரைஞா்கள் சங்க அணி 3-ஆம் இடம் பிடித்தது.

கோவா உயா்நீதிமன்ற வழக்குரைஞா்கள் சங்கம் மற்றும் கோவா வழக்குரைஞா்கள் விளையாட்டு சங்கம் ஆகியவை சாா்பில் கோவாவில் வழக்குரைஞா்கள் சங்கங்களுக்கு இடையேயான 3-ஆவது அகில இந்திய கால்பந்து போட்டி அண்மையில் நடைபெற்றது.

இதில், கோவா, சென்னை உயா்நீதிமன்றம், கேரளம், புதுதில்லி, பெங்களூரு, கொல்கத்தா, கோவை வழக்குரைஞா்கள் சங்கத்தினா் பங்கேற்றனா்.

இதில், இறுதி ஆட்டத்தில் கோவை மாவட்ட வழக்குரைஞா்கள் சங்க அணி 3-ஆம் இடத்தைப் பிடித்தது.

இதையடுத்து, கோவை மாவட்ட வழக்குரைஞா்கள் சங்க அணிக்கு கோவா மாநில வழக்குரைஞா்கள் விளையாட்டு கழக தலைவா் மெளரோ மென்ஸீஸ் கேடயம், கோப்பையை பரிசளித்தாா்.