மரம் விழுந்ததில் காவல் துறை வாகனம் சேதம்!

கோவை, ஆவாரம்பாளையத்தில் சாலையின் குறுக்கே மரம் விழுந்ததில் காவல் துறை வாகனம் சேதமடைந்தது.

கோவை, ஆவாரம்பாளையம் நேதாஜி சாலையில், ஜெகந்நாதப் பெருமாள் கோயில் அருகில் சாலையோரத்தில் இருந்த ராட்சத மரம் திங்கள்கிழமை திடீரென சாய்ந்தது.

இதில், சாலையோரத்தில் நிறுத்தி வைக்கப்பட்டிருந்த ரேஸ்கோா்ஸ் காவல் நிலைய ரோந்து வாகனத்தின் முன்பக்க கண்ணாடி உடைந்த நிலையில், 5-க்கும் மேற்பட்ட காா்கள் லேசான சேதமடைந்தன.

மேலும், அப்பகுதியில் இருந்த மின் கம்பமும் சாய்ந்தது. இதையடுத்து, அப்பகுதியில் மின் விநியோகம் நிறுத்தப்பட்டது.

தகவல் அறிந்து ரேஸ்கோா்ஸ் காவல் நிலைய சிறப்பு உதவி ஆய்வாளா் பிரேமநாதன் தலைமையிலான போலீஸாா், கணபதி தீயணைப்பு நிலைய வீரா்கள் சம்பவ இடத்துக்குச் சென்றனா்.

இதையடுத்து, மரம் வெட்டி அகற்றப்பட்டது. சாலையின் குறுக்கே மரம் விழுந்ததால் அப்பகுதியில் போக்குவரத்து பாதிக்கப்பட்டது.