தேசிய திறனாய்வுத் தோ்வில் அரசுப் பள்ளி மாணவா்கள் சிறப்பிடம்

தேசிய வருவாய் வழி ஊரக திறனாய்வுத் தோ்வில் ஏரியூா் வட்டாரத்தில்சிறப்பிடம் பெற்ற அரசுப் பள்ளி மாணவா்களுக்கு தனியாா் தொண்டு நிறுவனம் சாா்பில் பாராட்டி சான்றிதழ்கள் வழங்கப்பட்டன.

கடந்த மாா்ச் மாதம் நடைபெற்ற தேசிய வருவாய் வழி ஊரக திறனாய்வுத் தோ்வில் ஏரியூா் வட்டாரத்தில் உள்ள அரசு நடுநிலைப் பள்ளிகளைச் சோ்ந்த மாணவ, மாணவிகள் பங்கேற்று தோ்வு எழுதினா். தோ்வு முடிவு அண்மையில் வெளியானது. இதில், ஏரியூா் வட்டாரத்தில் அரசுப் பள்ளியைச் சோ்ந்த 10 மாணவ, மாணவிகள் தோ்ச்சி பெற்றனா்.

வெற்றி பெற்றவா்களுக்கான பாராட்டு விழா ஏரியூா் வைகை தொண்டு நிறுவனம் சாா்பில் நடைபெற்றது. நிகழ்ச்சிக்கு ஏரியூா் வட்டார கல்வி அலுவலா் சிவக்குமாா் தலைமை வகித்தாா். தலைமை ஆசிரியா்கள் பழனியப்பன், தங்கராஜ், அருள், ஆசிரியா் பயிற்றுநா் சக்திவேல் ஆகியோா் முன்னிலை வகித்தனா். வைகை தொண்டு நிறுவன இயக்குநா் குமரேசன் சிறப்புரையாற்றி, தோ்வில் வெற்றி பெற்ற மாணவ, மாணவிகளுக்கு கேடயங்கள், பாராட்டு சான்றிதழ்கள் வழங்கி கௌரவித்தாா்.

இதில் ஏரியூா் வட்டாரத்தில் உள்ள அரசு பள்ளிகளின் தலைமை ஆசிரியா்கள் கண்மலா், ராஜா, அதிபதி, பட்டதாரி ஆசிரியா் லோகநாதன், உதவி ஆசிரியைகள் தமிழ்ச்செல்வி, திலகவதி உள்ளிட்டோா் கலந்து கொண்டனா். சின்னப்பள்ளத்தூா் பள்ளி தலைமை ஆசிரியா் மா.பழனி ஒருங்கிணைத்தாா். சிறப்பு ஆசிரியா் பயிற்றுநா் கிருஷ்ணன் நன்றி கூறினாா்.