தேசிய மக்கள் நீதிமன்றம்: 2,992 வழக்குகளுக்குத் தீா்வு!

திருப்பூா் மாவட்டத்தில் உள்ள நீதிமன்றங்களில் சனிக்கிழமை நடைபெற்ற தேசிய மக்கள் நீதிமன்றத்தில் ரூ.65.16 கோடி மதிப்பீட்டில் 2,992 வழக்குகளுக்கு சமரசத் தீா்வு காணப்பட்டது.

தேசிய மற்றும் தமிழ்நாடு மாநில சட்டப் பணிகள் ஆணைக் குழுவின் உத்தரவின்பேரில் முதன்மை மாவட்ட நீதிபதியும், திருப்பூா் மாவட்ட சட்டப் பணிகள் ஆணைக் குழுவின் தலைவருமான என்.குணசேகரன் தலைமையில் மாவட்டம் முழுவதும் உள்ள நீதிமன்றங்களில் தேசிய மக்கள் நீதிமன்றம் நடைபெற்றது.

மொத்தம் 20 அமா்வுகளாக நடைபெற்ற இந்த தேசிய மக்கள் நீதிமன்றத்தில், மோட்டாா் வாகன விபத்து வழக்குகள், சிவில் வழக்குகள், குடும்ப நல வழக்குகள், சமரசத்துக்குரிய குற்ற வழக்குகள், காசோலை மோசடி வழக்குகள், வங்கி வாராக்கடன் வழக்குகள் என மொத்தம் 7,419 வழக்குகள் விசாரணைக்கு எடுத்துக் கொள்ளப்பட்டன.

இதில், 2,992 வழக்குகளுக்கு ரூ.65.16 கோடி மதிப்பீட்டில் சமரசத்தீா்வு காணப்பட்டது. திருப்பூா் ஒருங்கிணைந்த வளாகத்தில் நடைபெற்ற மக்கள் நீதிமன்றத்தில் மாவட்ட சட்டப் பணிகள் ஆணைக் குழுவின் செயலாளா் ஷபீனா, தலைமை குற்றவியல் நீதித் துறை நடுவா் செல்லதுரை, சிறப்பு மேட்டாா் வாகன மாவட்ட நீதிபதி பாலு, முதலாவது கூடுதல் மாவட்ட நீதிபதி பத்மா, குடும்ப நல நீதிபதி பிரபாகரன், முதன்மை சாா்பு நீதிபதி வித்யா மற்றும் வழக்குரைஞா்கள் உள்ளிட்ட பலா் கலந்து கொண்டனா்.

வாகன விபத்தில் உயிரிழந்தவரின் குடும்பத்துக்கு ரூ.80 லட்சம் இழப்பீடு: திருப்பூரில் பின்னலாடை நிறுவனம் நடத்தி வந்த திருவண்ணாமலை மாவட்டத்தைச் சோ்ந்த ஞானவேல் என்பவா் கடந்த 2022 ஆம் ஆண்டு ஆகஸ்ட் 3- ஆம் தேதி பாளையக்காடு பகுதியில் இருசக்கர வாகனத்தில் சென்று கொண்டிருந்தபோது சரக்கு வாகனம் மோதியதில் உயிரிழந்தாா்.

இந்த விபத்து தொடா்பாக இழப்பீடு வழங்கக்கோரி அவரது குடும்பத்தினா் மோட்டாா் வாகன விபத்து இழப்பீட்டு தீா்ப்பாயத்தில் வழக்குத் தாக்கல் செய்தனா்.

இந்த வழக்கில் நீதிபதி ஸ்ரீகுமாா் அறிவுறுத்தலின்பேரில் தேசிய மக்கள் நீதிமன்றத்தில் சமரசத் தீா்வு காணப்பட்டது. இதில், உயிரிழந்த ஞானவேலுவின் மனைவி சுகன்யா மற்றும் அவரது குடும்பத்தினருக்கு நியூ இந்தியா அஷ்யூரன்ஸ் நிறுவனம் சாா்பில் ரூ.80 லட்சத்துக்கான காசோலையை முதன்மை மாவட்ட நீதிபதி என்.குணசேகரன் வழங்கினாா். பாதிக்கப்பட்டவா் தரப்பில் வழக்குரைஞா் கந்தசாமி ஆஜரானாா்.