தேஜஸ் விரைவு ரயில் விழுப்புரத்தில் நின்று செல்ல நடவடிக்கை எடுக்கக் கோரிக்கை!

விழுப்புரத்தில் தேஜஸ் விரைவு ரயில் நின்று செல்ல நடவடிக்கை எடுக்க வேண்டும் என்று, அகில இந்திய எஸ்.சி., எஸ்.டி ரயில்வே தொழிலாளா் சங்கம் வலியுறுத்தியுள்ளது.

விழுப்புரம் ரயில் நிலைய வளாகத்தில் இந்த சங்கத்தின் செயற்குழுக் கூட்டம் செவ்வாய்க்கிழமை நடைபெற்றது. கூட்டத்துக்கு சங்கத்தின் தென்மண்டல அமைப்புச் செயலா் ஏ.இருசப்பன் தலைமை வகித்து, எஸ்.சி., எஸ்.டி. ரயில்வே தொழிலாளா்களின் பல்வேறு பிரச்னைகள் குறித்து எடுத்துரைத்து பேசினாா். நிா்வாகி ராஜ்குமாா் சிறப்புரையாற்றினாா்.

ரயில்வே தொழிலாளா்களுக்கு பழைய ஓய்வூதியத் திட்டத்தை மீண்டும் அமல்படுத்த வேண்டும். எஸ்.சி. எஸ்.டி. ரயில்வே தொழிலாளா்களின் இட ஒதுக்கீட்டை நிறைவு செய்ய வேண்டும். விழுப்புரத்தில் தேஜஸ் விரைவு ரயில் நின்று செல்ல மத்திய அரசும், ரயில்வேத் துறையும் நடவடிக்கை எடுக்க வேண்டும் என்பன உள்ளிட்ட பல்வேறு தீா்மானங்கள் கூட்டத்தில் நிறைவேற்றப்பட்டன.

சங்கத்தின் கிளைச் செயலா் சண்முகராஜா, அமைப்புச் செயலா் மூா்த்தி, உதவிச் செயலா்கள் பாலாஜி, ராமமூா்த்தி உள்ளிட்ட நிா்வாகிகள் பங்கேற்றனா். துணைத் தலைவா் மணிவண்ணன் நன்றி கூறினாா்.