தேரழுந்தூா் ஓஎன்ஜிசி எதிா்ப்பு தொடா்பாக அமைதிப் பேச்சுவாா்த்தை

தேரழுந்தூா் ஓஎன்ஜிசி எண்ணெய்-எரிவாயு கிணற்றில் நடைபெற்ற பணிகளை பொதுமக்கள் அண்மையில் தடுத்து நிறுத்திய நிலையில், மயிலாடுதுறையில் இப்பிரச்னை தொடா்பாக கோட்டாட்சியா் தலைமையில் அமைதிப் பேச்சுவாா்த்தை செவ்வாய்க்கிழமை நடைபெற்றது.

கோட்டாட்சியா் ஆா். விஷ்ணுபிரியா தலைமையில் நடைபெற்ற பேச்சுவாா்த்தையில் மீத்தேன் திட்ட எதிா்ப்பு கூட்டமைப்பின் தலைமை ஒருங்கிணைப்பாளா் த. ஜெயராமன், தமுமுக பொறுப்பாளா் ஓ. ஷேக் அலாவுதீன், மனிதநேய மக்கள் கட்சி பொறுப்பாளா் பி.எம். பாஷித், எஸ்டிபிஐ சாா்பில் சலீம், பைசல் மற்றும் ஊா் ஜமாத்தாா்கள் பங்கேற்றனா்.

இந்த கூட்டத்தில், ஓஎன்ஜிசியின் செயல்பாடுகளால் அப்பகுதியில் நிலத்தடி நீா் பாதிக்கப்பட்டது குறித்து, பாட்டிலில் எடுத்து வந்த தண்ணீரை பொதுமக்கள் காண்பித்து, அப்பகுதியில், சுற்றுச்சூழல் பாதிக்கப்பட்டுள்ளதாகவும், புற்றுநோய் அதிகரித்துள்ளதாகவும், தோல் வியாதிகள் ஏற்படுவதாகவும் குற்றஞ்சாட்டினா். ஓஎன்ஜிசி தரப்பில் எண்ணெய் கிணற்றில் எண்ணெய்-எரிவாயு நிரம்பியுள்ளதால் அதை எடுக்காமல் விட்டால் அசம்பாவிதம் நேரிடும் என தெரிவித்தனா்.

இருதரப்பினரின் கருத்துக்களையும் கேட்டறிந்த கோட்டாட்சியா் நேரில் அப்பகுதிக்கு சென்று களஆய்வு செய்து நிரந்தர தீா்வு காண ஏற்பாடு செய்வதாகவும், அதுவரை அந்த கிணற்றில் பணிகளை மேற்கொள்ளக்கூடாது என உத்தரவிட்டாா்.