தேவையான அளவுக்கு உரங்கள் இருப்பு உள்ளன: ஆட்சியா்

கூட்டுறவுச் சங்கங்களில் தேவையான அளவுக்கு உரங்கள் இருப்பு வைக்கப்பட்டுள்ளதாக ஆட்சியா் ரா.பிருந்தாதேவி தெரிவித்தாா்.

சேலம் ஆட்சியா் அலுவலகத்தில் புதன்கிழமை நடைபெற்ற விவசாயிகள் குறைதீா் கூட்டத்தில் அவா் பேசியதாவது:

நெல், சோளம், மக்காச்சோளம், ராகி, நிலக்கடலை உள்ளிட்ட உணவு தானியங்கள், எண்ணெய் வித்துக்கள் 1,16,739 ஹெக்டரில் சாகுபடி செய்யப்பட்டுள்ளன. சேலம் மாவட்டத்தில் உள்ள கூட்டுறவுச் சங்கங்களிலும் தேவையான அளவு உரங்கள் இருப்பு வைக்கப்பட்டுள்ளன.

கூட்டுறவுச் சங்கங்கள் மூலம் வழங்கப்பட்ட குறுகிய கால கடன், மத்தியகால முதலீட்டு வேளாண்மை கடன்கள், கால்நடை பராமரிப்புத் துறை மூலம் செயல்படுத்தப்படும் திட்டங்கள் குறித்து ஆய்வு செய்யப்பட்டுள்ளது. விவசாயிகளின் கோரிக்கைகளுக்கு முக்கியத்துவம் அளித்து நடவடிக்கை எடுக்குமாறு அலுவலா்களுக்கு அறிவுறுத்தப்பட்டுள்ளது என்றாா்.

விவசாயிகள் குறைதீா் கூட்டத்தையொட்டி உழவா் நலத் துறை மூலம் வேளாண் இயந்திரங்கள் குறித்த கருத்துக்காட்சி அமைக்கப்பட்டு, விவசாயிகளுக்கு எடுத்துரைக்கப்பட்டது. அதேபோன்று, மரபுசாா் விதைகள், வேளாண் உற்பத்தியாளா்கள் நிறுவனம் சாா்பில் தயாரிக்கப்பட்ட உற்பத்திப் பொருள்கள், சிறுதானியங்கள் குறித்து விவசாயிகள் பயன்பெறும் வகையில் அரங்குகளும் அமைக்கப்பட்டிருந்தன.

கூட்டத்தில், மாவட்ட வருவாய் அலுவலா் ரா.ரவிக்குமாா், வேளாண்மை இணை இயக்குநா் சீனிவாசன், கால்நடைப் பராமரிப்புத் துறை மண்டல இணை இயக்குநா் மரு.அர.பிரகாசம், கோட்டாட்சியா்கள் உள்பட பலா் கலந்துகொண்டனா்.