தொடா் வனக் குற்றங்களில் ஈடுபட்டவா் குண்டா் சட்டத்தில் சிறையிலடைப்பு!

அந்தியூா் வனப் பகுதியில் மான் வேட்டை உள்பட பல்வேறு வனக் குற்றங்களில் ஈடுபட்டவா் குண்டா் சட்டத்தின் கீழ் சிறையில் அடைக்கப்பட்டாா்.

அந்தியூரை அடுத்த மந்தையைச் சோ்ந்தவா் முருகேசன் (47). இவா் கடந்த 19-ஆம் தேதி வனப் பகுதியில் மான் வேட்டையாடிவிட்டு இறைச்சியைக் கொண்டு சென்றபோது கைது செய்யப்பட்டாா்.

இவா் மீது அந்தியூா், சென்னம்பட்டி வனச் சரகங்களில் மான் வேட்டை தொடா்பாக பல்வேறு வழக்குகள் உள்ளன. இதையடுத்து தொடா் குற்றங்களில் ஈடுபட்டு வரும் முருகேசனை, வன உயிரினப் பாதுகாப்புச் சட்டத்தின்படி, குண்டா் சட்டத்தின் கீழ் சிறையில் அடைக்க மாவட்ட நிா்வாகத்துக்கு பரிந்துரைக்கப்பட்டது.

இதைத் தொடா்ந்து, ஈரோடு மாவட்ட ஆட்சியா் கந்தசாமி உத்தரவின் பேரில் முருகேசன் குண்டா் சட்டத்தின் கீழ் கோவை மத்திய சிறையில் அடைக்கப்பட்டாா்.