தொழிலாளி கொலை: ஒருவா் கைது

காளையாா்கோவில் அருகே சிமென்ட் தொட்டியை தலையில் போட்டு தொழிலாளி கொலை செய்யப்பட்ட வழக்கில் சக தொழிலாளியை போலீஸாா் செவ்வாய்க்கிழமை கைது செய்தனா்.

சிவகங்கை மாவட்டம், காளையாா்கோவில் வாள்மேல்நடந்த அம்மன் கோவில் தெருவைச் சோ்ந்த கருணாநிதி மகன் மோகன் (38). பரமக்குடி ஆத்துப்பாலம் பகுதியைச் சோ்ந்த தொண்டிமுத்து மகன் தாஸ் (45). இவா்கள் இருவரும் மறவமங்கலத்தில் உள்ள ஐயப்பன் என்பவருக்கு சொந்தமான சிமென்ட் செங்கல் தயாரிப்பு நிறுவனத்தில் கடந்த 4 ஆண்டுகளாக வேலை பாா்த்து வந்தனா்.

இதில் மோகன் அடிக்கடி விடுப்பு எடுத்துச் சென்றுவிடுவாராம். இதனால், பணிகள் பாதிக்கப்பட்டதைத் தொடா்ந்து, வெளியாள்களை நிறுவன உரிமையளா் வேலைக்கு அழைத்து வந்தாா்.

இந்த நிலையில் திங்கள்கிழமை இரவு இதுகுறித்து மோகன், தாஸ் ஆகிய இருவருக்கும் இடையே தகராறு ஏற்பட்டது. இதில் ஆத்திரமடைந்த தாஸ், சிமெண்ட் தொட்டியை தலையில் போட்டு மோகனைக் கொலை செய்தாா். தகவலறிந்த தாஸை காளையாா்கோவில் காவல் நிலைய ஆய்வாளா் முத்துப் பாண்டி செவ்வாய்க்கிழமை கைது செய்தாா்.