ஆம்பூா் அருகே மனைவியின் நடத்தையின் சந்தேகத்தால் நண்பரை பெட்ரோல் ஊற்றி எரித்துக் கொலை செய்தவருக்கு ஆயுள் சிறைத் தண்டனை விதித்து திருப்பத்தூா் நீதிமன்றம் உத்தரவிட்டது.
திருப்பத்தூா் மாவட்டம், ஆம்பூா் அடுத்த ராமச்சந்திராபுரத்தைச் சோ்ந்தவா் ராஜேஷ் (25). இவா், ஒரு தனியாா் நிறுவனத்தில் காவலாளியாகப் பணிபுரிந்து வந்தாா். இவரின் மனைவி சுவேதா. இவா்களுக்கு ஒரு பெண் குழந்தை உள்ளது. இவா்களது எதிா்வீட்டில் மணிகண்டன் (30) (படம்) என்பவா் மனைவி சாந்தியுடன் வசித்து வந்தாா். ராஜேஷும், மணிகண்டனும் நண்பா்களாக பழகி வந்த நிலையில், மணிகண்டனுக்கு தனது மனைவி சாந்தி நடத்தையில் சந்தேகம் ஏற்பட்டது.
இந்த நிலையில் கடந்த 2020-ஆம் ஆண்டு செப்டம்பா் 5-ஆம் தேதி ராஜேஷ் வீட்டின் அருகே நின்று கொண்டு இருந்தபோது, அங்கு வந்த மணிகண்டன் எதிா்பாரத நேரத்தில் ஆசிட் கலந்த பெட்ரோலை ராஜேஷ் மீது ஊற்றி தீ வைத்தாா். இதில் ராஜேஷ் உடல் முழுவதும் பலத்த காயமடைந்து உயிரிழந்தாா்.
உமராபாத் போலீஸாா் வழக்குப் பதிந்து மணிகண்டனை கைது செய்தனா். இந்த வழக்கு திருப்பத்தூா் மாவட்ட நீதிமன்றத்தில் நடைபெற்று வந்தது. வழக்கை விசாரித்த நீதிபதி எஸ்.மீனாகுமாரி ராஜேஷை பெட்ரோல் ஊற்றி எரித்துக் கொலை செய்த மணிகண்டனுக்கு ஆயுள் சிறைத் தண்டனை மற்றும் ரூ.10,000 அபராதம் விதித்து தீா்ப்பளித்தாா். வழக்கில் அரசுத் தரப்பில் வழக்குரைஞா் பி.டி.சரவணன் ஆஜரானாா்.
