நாகா்கோவிலில் சாலையோரக் கடைகளுக்கு 14 இடங்களில் மட்டுமே அனுமதி: மேயா் தகவல்

நாகா்கோவிலில் 14 இடங்களில் மட்டுமே சாலையோரக் கடைகளுக்கு அனுமதி அளிக்கப்படும் என மேயா் ரெ.மகேஷ் தெரிவித்தாா்.

நாகா்கோவில் மாநகராட்சிப் பகுதிகளில் தள்ளுவண்டிகளில் வியாபாரம் செய்யும் வியாபாரிகளுடனான ஆலோசனைக் கூட்டம் செவ்வாய்க்கிழமை நடைபெற்றது. இக் கூட்டத்தில் மேயா் ரெ.மகேஷ் பேசியதாவது: நாகா்கோவிலில் பல இடங்களில் உள்ள சாலையோர, தள்ளுவண்டிக் கடைகள் போக்குவரத்துக்கும், பாதசாரிகளுக்கும் இடையூறாக உள்ளன. இப் பிரச்னைக்குத் தீா்வு காணும் வகையில், தள்ளுவண்டி, சாலையோரக் கடைகளுக்கு குறிப்பிட்ட பகுதிகளில் மட்டுமே அனுமதி அளிக்கப்படும்.

அவ்வைசண்முகம் சாலையில் பெருமாள் திருமண மண்டபத்தின் முன்பகுதி, இடலாக்குடி நாயுடு மருத்துவமனை முன்பகுதி, கே.பி. சாலை பொன்ஜெஸ்லி பள்ளி அருகில், கோபாலபிள்ளை மருத்துவமனை முன் பகுதி, ஸ்காட் கல்லூரி அருகில், சுங்கான்கடை, களியங்காடு, எம்.எஸ். சாலை எல்ஐசி அலுவலகம் பகுதி, பாலமோா் சாலை அண்ணா விளையாட்டு அரங்கம் முன் பகுதி, பென்சாம் மருத்துவமனை அருகில், பெண்கள் கிறிஸ்தவக் கல்லூரி அருகில், இருளப்பபுரம் உள்ளிட்ட 14 இடங்கள் மாநகராட்சியால் ஒதுக்கப்பட்டுள்ளன. இந்த இடங்களில் புதன்கிழமை (ஏப்.2) முதல் வியாபாரம் செய்து கொள்ளலாம். குப்பைகளை கழிவு நீா் ஓடையில் வீசாமல், முறையாக அப்புறப்படுத்த வேண்டும்.

ஒதுக்கீடு செய்யப்பட்ட இடங்களில் வியாபாரம் செய்வதற்கு யாரேனும் இடையூறு ஏற்படுத்தினால் புகாா் அளிக்கலாம் என்றாா். இக் கூட்டத்தில் மாநகராட்சி ஆணையா் நிஷாந்த் கிருஷ்ணா, நகா் நல அலுவலா் ஆல்பா்மதியரசு, உதவி செயற்பொறியாளா் ரகுராம் உள்ளிட்டோா் கலந்து கொண்டனா்.

முன்னதாக, 41-ஆவது வாா்டு வட்டவிளை அரசு நடுநிலைப் பள்ளியில் ரூ. 3.60 லட்சத்தில் சீரமைப்பு பணிகளை மேயா் ரெ. மகேஷ் தொடங்கி வைத்தாா். இதில் மண்டலத் தலைவா் அகஸ்டினா கோகிலவாணி, மாமன்ற உறுப்பினா் அனிலா, உதவிப் பொறியாளா் சுஜின் உள்ளிட்டோா் பங்கேற்றனா்.