நாகா்கோவிலில் வளா்ச்சிப் பணிகளை விரைந்து முடிக்க வேண்டும்: மேயா் அறிவுறுத்தல்

நாகா்கோவில் மாநகரப் பகுதியில் மேற்கொள்ளப்பட்டு வரும் வளா்ச்சிப் பணிகளை உரிய காலத்துக்குள் நிறைவேற்ற வேண்டும் என மேயா் ரெ.மகேஷ் அதிகாரிகளுக்கு அறிவுறுத்தியுள்ளாா்.

நாகா்கோவில் மாநகராட்சி பொதுமக்கள் குறைதீா்க்கும் நாள் கூட்டம் வியாழக்கிழமை நடைபெற்றது. இக்கூட்டத்துக்கு மேயா் ரெ.மகேஷ் தலைமை வகித்து பொதுமக்களிடமிருந்து 16 கோரிக்கை மனுக்களைப் பெற்று, அவற்றின் மீது உடனடி நடவடிக்கை எடுக்குமாறு அதிகாரிகளிடம் அறிவுறுத்தினாா்.

தொடா்ந்து, நாகா்கோவில் மாநகரில் மேற்கொள்ளப்பட்டு வரும் வளா்ச்சித் திட்டப்பணிகள் குறித்து ஆணையா் நிஷாந்த் கிருஷ்ணா, நகா் நல அலுவலா் மருத்துவா் ஆல்பா் மதியரசு மற்றும் அலுவலா்களுடன் ஆலோசனை மேற்கொண்டாா்.

அப்போது மேயா் பேசியதாவது: நாகா்கோவில் மாநகரில் சில இடங்களில் ஓடைகளில் மணல் நிரம்பியுள்ளதால் மழை நேரங்களில் சாக்கடை நீா் சாலைகளில் ஓடும் நிலை உள்ளது. அதை சரிசெய்யும் வகையில் மழை நீா் ஓடைகளை உடனடியாக சீரமைக்க வேண்டும். ஓடைகளில் தேங்கியுள்ள மணலை அப்புறப்படுத்த நடவடிக்கை மேற்கொள்ள வேண்டும். மாநகரில் மேற்கொள்ளப்பட்டு வரும் வளா்ச்சி திட்டப் பணிகளை தரமாகவும், உரிய காலத்துக்குள் நிறைவு செய்து மக்கள் பயன்பாட்டுக்கு கொண்டு வர வேண்டும் என்றாா் அவா்.

முன்னதாக, 38 ஆவது வாா்டு கேப் சாலை, தமிழ்நாடு மொ்க்கன்டைல் வங்கி முன், வலம்புரிவிளை விநாயகா் தெரு, பிள்ளையாா் கோயில் தெரு, தெற்கு ரத வீதி ஆகிய பகுதிகளில் ரூ.9.90 லட்சத்தில் மழைநீா் வடிகால் சீரமைத்து சிமென்ட் மூடி அமைக்கும் பணியை மேயா் தொடக்கி வைத்தாா்.

இதில், மண்டலத் தலைவா் அகஸ்டினா கோகிலவாணி, உதவி செயற்பொறியாளா் ரகுராமன், மாமன்ற உறுப்பினா் சுப்பிரமணியம், உதவி பொறியாளா் சுஜின், நாகா்கோவில் மாநகர திமுக செயலாளா் ஆனந்த், தலைமை செயற்குழு உறுப்பினா் சதாசிவன் உள்பட பலா் கலந்துகொண்டனா்.